Оонньуулар балаҕан ыйын 14-20 күннэригэр кыһыҥҥы Олимпиада киинигэр — Сочи куоракка: «Бридж» отелга, «Спорт ИНН» спорт комплексыгар уонна Адлерга, Имеретинскэй пляжка ыытыллыахтара.
Имеретинскэй пляжка балаҕан ыйын 15-17 күннэригэр хапсаҕайга, 16-21 күннэригэр мас тардыһыыга, балаҕан ыйын 16-18 күннэригэр тутум эргииргэ күрэхтэһиилэр буолуохтара. Оттон сахалыы атах оонньуутугар күрэстэһии «Спорт ИНН» спорт комлексыгар ыытыллыаҕа.
Оонньуулар кыттыылаахтара пляж волейболугар уонна футболугар, регбигэ, тайскай бокска, аквабайка, аныгы пятиборьеҕа, о.д.а. илин-кэлин түсүһүөхтэрэ.
Саха дэгиттэр спортсменнара Сочига тиийэн, Бүтүн Россиятааҕы бастакы пляж оонньууларыгар кыттар, ону ааһан, баҕар, кыайыылаах аатын ылан дьоһун ситиһиилэниэхтэрин сөп эбит.
Комментарии
Авторизация на сайте через социальные сети