Бу үп саастарын ситэ илик КДН-ҥа учуокка турар оҕолорго, кыаммат уонна элбэх оҕолоох ыалларга, ону таһынан таба ыстаадаларыгар сылдьар оҕолорго анаммыт сайыҥҥы үлэ уонна сынньалаҥ лааҕырын тэрийиигэ уонна общественнай үлэлэри ыытыыга туһаныллыаҕа.
Ф.М. Охлопков аатынан Кириэс Халдьаайы орто оскуолатын салалтата гараж тутуутугар үс киһини үлэлэтиэҕэ. Мэҥэ-Алдан нэһилиэгин дьаһалтата Нэһилиэнньэ дьарыктаах буолуутун киинин көмөтүнэн республикатааҕы Ыччат ыһыаҕын объектарын тутууга 6 киһини үлэлэтиэҕэ. Кинилэргэ 36 тыһ. солк. көрүлүннэ.
Ыҥаа нэһилиэгиттэн ИП Захаров ыһыы үлэтигэр 4 киһини общественнай үлэҕэ тардар. Киниэхэ 24 тыһ. солк. өйөбүл оҥоһуллар.
Тополинай орто оскуолатын үөрэнэччилэрин сайыҥҥы үлэ уонна сынньалаҥ лааҕырдарыгар үп көрүлүннэ. Түөрт оҕо таба ыстаадатыгар үлэлиэҕэ.
Хаандыга бөһүөлэгэр «Авико-Сервис» ХЭТ ПДН уонна КДН учуотугар турар үөрэнээччилэргэ ЛТО тэрийиэҕэ.
Мэҥэ-Алдан уонна Кириэс Халдьаайы орто оскуолаларыгар Саха Республикатын государственнай программатынан Нэһилиэнньэ дьарыктаах буолуутун киинин нөҥүө 40 үөрэнээччи волонтер быһыытынан тыа хаһаайыстыбатын үлэтигэр (оҕуруот аһын олордууга) ыам ыйын 1 күнүттэн сырытта. Бэс ыйын 1 күнүттэн Хаандыга орто оскуолатын уонна Томпотооҕу гимназия 10 волонтера бөһүөлэги тупсарыы үлэлиир.
Комментарии
Авторизация на сайте через социальные сети