Өрөспүүбүлүкэ үөрэҕин тиһигэ үөрэнээччилэргэ өй-санаа, сиэр-майгы, сигили, эт-хаан өттүнэн тэҥник сайдалларыгар кыах биэрэр. Онуоха 2014 сыл ахсынньытыгар ылыныллыбыт Саха Өрөспүүбүлүкэтин «Үөрэхтээһин туһунан» сокуона төрүт буолар.
Үөрэх эйгэтигэр былаас уорганнарын болҕомтотун ирдиир сүрүн соруктар ортолоругар оскуола иннинээҕи уонна оскуола үөрэҕэ кимиэхэ барытыгар кыаллар, тоҕоостоох буолуутун ситиһии, оскуола таһынан иитиини тупсарыы, оҕо уопсастыбаннай холбоһуктарын өйөөһүн ураты суолтаны ылаллар. Бу боппуруос көдьүүстээхтик быһаарыллыыта кэм-кэрдии ирдэбиллэригэр сөптөөх усулуобуйаны тэрийэн, оҕо бары өттүнэн дьүөрэлээхтик сайдарыгар көмөлөһөр суолталаах.
Балаҕан ыйын 1 күнүгэр оскуола үөрэнээччилэрин сэргэ идэлээх үөрэх кыһаларын устудьуоннарыгар үөрэх дьыла эмиэ саҕаланар. Кинилэр оскуолаҕа иҥэриммит билиилэрин, үөрүйэхтэрин салгыы сайыннаран, анал идэлээх киһи, дойдуга бэриниилээх гражданин быһыытынан ситэн-хотон тахсалларыгар дьоһун кэм үүнэр.
Күндүоҕолор! Ытыктабыллаах учууталлар, төрөппүттэр!
Эһиэхэ үүммүт саҥа үөрэх дьылыгар чиҥ билиини, үөрэххэ, үлэҕэ ситиһиилэри, саҥа үрдэллэргэ тиэрдэр кыайыылары, айар талаҥҥыт, дьоҕургут аһыллан, дэгиттэр сайдаргытыгар, эрэллээх үтүө доҕоттору баҕарабыт!
Саха Өрөспүүбүлүкэтин Ил Түмэнэ
Комментарии
Авторизация на сайте через социальные сети