Кирилл Гаврилович: «Мин каадыр боппуруоһунан саас кэлиэхпиттэн «ыалдьыбытым». Бу саас Күндэйэттэн кэлиэх курдук буолан баран аккаастаабыттара, онон ыксал балаһыанньа буолбута. Ол иһин ыксаан, интэриниэт ситимигэр киирбитим. Онно Алтаай кыраайыттан кэлиэхтэрин баҕарар учууталлар баар этилэр. Олору кытта сибээспин быспакка, саҥа үөрэх сылын баттаһа үс учуутал кэллэ: Колбин Марат Николаевич математика, Колбина Марианна Михайловна нуучча тылын учууталлара (21 сыл учууталынан үлэлээбиттэр), Казакулова Дина Тимофеевна нуучча тылын учуутала (11 сыл пед.ыстаастаах).
Маны сэргэ, саас буолбут педагогическай дьаарбаҥкаҕа сылдьан, Донская Айыына Дмитриевна, Донская Ньургустаана Дмитриевна диэн технология уонна география учууталларын булан, кэпсэтэн, билигин үлэлии-хамсыы сылдьаллар. Иккиэн быйыл ХИФУ-ну бүтэрбиттэр. Итиэннэ 6 сыл педагогическай ыстаастаах, Мария Дмитриевна Кысылбаикова Үөһээ-Бүлүү Тамалакааныттан кэлэн, дириэктэри үөрэх чааһыгар солбуйааччынан, быйыл ХИФУ-ну бүтэрбит Өлүөхүмэттэн төрүттээх Татьяна Григорьевна Тектясова биология уонна химия учууталынан үлэлии кэллилэр. Бу учууталлары эмиэ интэриниэт ситимигэр киирэн булаттаабытым. Социальнай педагогунан олохтоох Герман Владимирович Иванов үлэтин саҕалаата. Барыта 8 саҥа учууталланныбыт. Барыларын оннуларын буллартаатым. Саҥа кэлбит учууталлар, билиҥҥитэ, санаалара-оноолоро үчүгэй. Үлэлииргэ баҕа санаалаахтар,» – диэн кэпсээнин бүтэрдэ. Интэриниэти таба тутуннахха ыраах да сиртэн көрдөөбүт каадыргын булуоххун сөп эбит диэн үөрэ иһиттим.
Саҥа кэлбиттэри ааспыт Учууталлар күннэринэн итиитик-истиҥник эҕэрдэлиибин! Үлэҕитигэр үрдүк ситиһиилэри баҕарабын!
Хаартыскаҕа: Хастан уҥа: Казакулова Д.Т.,
Колбина М.М., Колбин М.,Н.
Комментарии
Авторизация на сайте через социальные сети