Бу күн тэриллибит республикатааҕы «Көмүс дорҕоон кынаттанан» куонкуруска 11 хор коллектива кытынна. Дьүүллүүр сүбэ бэрэссэдээтэлинэн Чаянда Скрыбыкина үлэлэстэ.
Куонкурус Гран-при хаһаайынынан Нам улууһун «Ньургуһун» (салайааччы Елена Кутукова) хора буолла.
Чурапчыттан Чыаппаратааҕы эр дьон хора, Төҥүлүтээҕи народнай хор (салайааччы Галина Варламова), Дьокуускайтан «Көмүс дорҕоон» коллектив дипломаннарынан буоллулар. Куонкурус лауреаттарынан Чурапчы Дириҥиттэн народнай хор, Дьокуускайтан «Арчы», Майатааҕы народнай хор (салайааччы Нина Васильева, Светлана Маркова) ааттанар чиэстэннилэр.
Төхтүрдээҕи хор (салайааччы Надежда Петрова) - «Сыл арыйыыта», Хаҥалас Өктөмүн хора - «Патриотическай ырыаны толоруу», Таатта Ытык Күөлүн хора - «Саха ырыатын эрэллээх толорооччу», Уус-Алданнааҕы Найахы народнай хора - «Байыаннай ырыаны бастыҥ толоруу», салайааччылартан Майаттан Светлана Маркова «Сыл бастыҥ концертмейстера», Намтан Елена Кутукова «Сыл бастыҥ хормейстера», Дьокуускайтан Михаил Павлов «Сыл бастыҥ аккомпаниатора», Елизавета Попова «Хоровой искусствоҕа бэриниитин иһин» анал ааттарынан бэлиэтэннилэр.
Февронья Алексеевнаҕа оройуон баһылыгын социальнай боппуруостарга солбуйааччы Иван Птицын «Мэҥэ аат» Бочуот кинигэтигэр киллэриллибитин туоһулуур бэлиэни үөрүүлээх быһыыга-майгыга туттарда. Улуус культураҕа уонна духуобунай сайдыыга управлениетын начальнига Сергей Холмогоров, биир дойдулаахтарын ааттарыттан Дьабыыл нэһилиэгин баһылыга Сергей Сергучев о.д.а. эҕэрдэлээтилэр, сэмэй бэлэхтэри туттардылар. Тэрээһини Дьабыыл нэһилиэгин дьоно-сэргэтэ, ыччаттара эҕэрдэ нүөмэрдэринэн киэргэттилэр.
Комментарии
Авторизация на сайте через социальные сети