Республикабыт 80 араас бөдөҥ хампаанньаларын бэрэстэбиитэллэрэ атыыга-эргиэҥҥэ уонна экономикаҕа бииргэ үлэлэһэргэ кэпсэтиилэри ыыттылар. Үс күн устата делегация чилиэннэрэ СӨ атыы-эргиэн, промышленнай палаататыгар, ХИФУ Арктикатааҕы инновационнай киинигэр, „Якутия» технопааркаҕа, „Сахабулт“, „Таба“ о.д.а. тэрилтэлэргэ сырыттылар. Ол кэнниттэн Кытай делегациятын састаабыгар үлэлэспит Суйфеньхе куорат дьоно -вице мэр Фу Ган, куорат коммерцияҕа управлениетыттан Ван Бинь биир күн Аммаҕа кэлэн бардылар. Кытай үрдүк сололоох бэрэстэбиитэллэрин Амма улууһун салалтата, нэһилиэктэр баһылыктара, управлениелар уонна тэрилтэлэр салайааччылара көрүстүлэр. Вице мэр Фу Ган Амма улуууһа Суйфеньхе куораты кытта 2014 сыллаахха доҕордуу буолар туһунан дуогабар түһэрсибиттэрин аҕынна уонна Суйфеньхе куоракка атыы-эргиэн, туризм сайдыытын туһунан сырдатта.
- Улуус олоҕун, үлэтин, инники сайдыытыгар былааннарын туһунан Андрей Окороков, Юрий Шишигин, Николай Тихонов, Дьулустан Юшков, Евдокия Сутакова. Аиза Чемезова уо.д.а ыалдьыттарга ырытан кэпсээтилэр уонна Суйфеньхе куорат тэрилтэлэрин кытта туһааннаах управлениелар ханнык хайысхаҕа ыкса үлэлэһиэхтэрин ыйдылар. Улуус салалтата ыалдьыттарга тыа хаһаайыстыбатыгар туорахтаах култуураны, оҕуруот аһын үүннэриини сайыннарарга, IT-технологияларга, үөрэх эйгэтигэр, электроннай коммерцияҕа, тутууга болҕомтону ууралларыгар уонна үөрэххэ, спорка алтыһаргабаҕа санаатын эттэ.
- Түмүккэ вице мэр Фу Ган уонна улуус баһылыга Николай Архипов инникитин социальнай, экономическай хайысхаҕа бииргэ үлэлэһии барыл боротокуолугар илии баттаатылар. Боротокуолга сүрүннээнтабаары уонна бородууксуйаны батарыыга үлэлэһии, туризмы сайыннарыы, оҕону итиигэ уонна үөрэхтээһиҥҥэ уопуту атастаһыы, култуура уонна спорт эйгэтигэр үлэлэһии пууннара киирдилэр. Доруобуйа харыстабылын хайысхатыгар туспа эбии кэпсэтиэхпит диэн эрэннэрдилэр. Медицинаҕа ыарыыныэмэ суох эмтээһиҥҥэ Кытай быраастара аан дойду үрдүнэн биллэллэр. Онон биһиэхэ доруобуйа харыстабылыгар саҥа сүүрээн кириэх чинчилэннэ. Ити кэннэ вице мэр Фу Ган истиҥ көрсүһүү иһин махтанна уонна атырдьах ыйыгар Кытайга ыытыллар „Экспо“ быыстапкаҕа Амма делегациятын ыҥырда.
- Көрсүһүү кэнниттэн вице мэр Фу Ган уонна куорат коммерцияҕа управлениетын үлэһитэ Ван Бинь Чапчылҕаннааҕы үүтү астыыр сыахха, гражданскай сэрии музейыгар, А.А. Черемных аатынан оҕо музыкальнай оскуолатыгар уонна Покровкаҕа „ҮсХатыҥ» турбазаҕа сырыттылар. Ыалдьыттары улуус баһылыга Николай Архипов, баһылыгы бастакы солбуйааччы Петр Лебедев, баһылыгы социальнай боппуруостарга солбуйааччы Парасковья Емельянова, улуус тутууга уонна инфраструктураҕа салайааччыта Дмитрий Иванов, Чапчылҕан нэһилиэгин баһылыга Гаврил Бродников, Майскай нэһилиэк баһылыга Олег Черкашин арыаллаатылар.
Комментарии
Авторизация на сайте через социальные сети