ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
23 ноября 2015, 15:24

Өлөөн оройуонун уопсастыбаннаһа эбэҥки норуотун култууратын тарҕатааччы, кыраайы үөрэтээччи Мария Анисимова 85 сааһын бэлиэтээтэ


Бу дьыл сэтинньи 20 күнүгэр Өлөөн эбэҥки национальнай оройуонун дьаһалтатын мунньахтыыр саалатыгар эбэҥки норуотун интеллигенциятын биир чаҕылхай бэрэстэбиитэлин, эбэҥки норуотун культуратын тарҕатааччы, кыраайы үөрэтээччи, Саха Өрөспүүбүлүкэтин культуратын үтүөлээх үлэһитин, Саха Өрөспүүбүлүкэтин бочуоттаах бэтэрээнин, оройуон бочуоттаах олохтооҕун Мария Афанасьевна Анисимова 85 сааһын оройуон уопсастыбаннаһа киэҥник, тэрээһиннээхтик бэлиэтээтэ.
photoByWidth&id=50035&width=1000
Мария Афанасьевна нэһилиэнньэҕэ билиини-көрүүнү тиэрдээччи, норуот культуратын сайыннарааччы, норуоттар доҕордоһууларын олоххо киллэрээччи быһыытынан 60-ча сыл сылайары билбэккэ үлэлээн кэллэ. Ол иһигэр культура салаатын салайааччынан 25 сыл устата таһаарыылаахтык үлэлээн ССРС культуратын үлэһиттэрин съеһигэр делегытанан талыллар үрдүк чиэскэ тиксибитэ. Бу кэмҥэ эбэҥки норуотун култууратын аан дойду таһымыгар таһааран «Таджикфильмҥэ» «Тайна предков» диэн киинэ массовкатыгар Өлөөн олохтоохторо кытталларын ситиспитэ.
Кини хотугу норуотар култуураларын тарҕааччы быһыытынан Россиятааҕы уонна аан дойду таһымнаах элбэх фестиваллар кыттыылаахтара, эбэҥки норуотун суругун-бичигин чөлүнэн хаалларар сыаллаах-соруктаах кыра оҕолорго аналлаах эбэҥки, нуучча, саха тылын тылдьытын ааптарынан буолар, эбэҥки норуотун материальнай-духуобунай култууратын харыстаан хаалларааччы быһыытынан «Араан» музей тэрийээччитинэн буолар. Кини эбэҥки норуотун материальнай култууратын, историятын сырдатар, кэнэҕэски ыччакка тиэрдэр аналлаах үс кинигэ ааптара.
photoByWidth&id=50036&width=1000
Кини үтүө санаалаах эбэҥки норуотун чулуу, үөрэхтээх бэрэстэбиитэлэ буолар иэһин чиэстээхтик толорон оройуон сокуоннайа, буруйа суох репрессияламмыт чулуу дьоннорун үтүө ааттарын тилиннэриигэ доруобуйатын, бириэмэтин харыстаабакка араас архыыптарга үлэлээн, кинилэр үтүө ааттарын тилиннэрэри ситиспит улахан үтүөлээх.
Ол да иһин бу дьоро киэһэҕэ саалаҕа тобус-толору мустубут оройуон уопсастыбаннаһын бэрэстэбиитэллэрэ Мария Афанасьевна аатыгар истиҥ махтал тылларын эттилэр, өссө да кырдьары билбэккэ төрөөбүт норуотун духуобунай култууратын тарҕатааччы, илдьэ сылдьааччы быһыытынан сүрэҕин баҕатынан, сүһүөх уйарынан үлэлииригэр баҕардылар.
photoByWidth&id=50037&width=1000
Мария Афанасьевна олоҕун кэрэ-бэлиэ кэрдиис кэминэн итии-истиҥ иһирэх тыллары этэн бэйэлэрин эҕэрдэлэрин тиэртилэр оройуон дьаһалтатын баһылыгын социальнай боппуруостарга солбуйааччы Людмила Александрова, оройуон Сэбиэтин «Суглан» депутата Алла Петрова, Өлөөн национальнай нэһилиэгин дьаһалтатын баһылыгын солбуйааччы Саргылаана Алексеева, аҕыйах ахсааннаах хотугу норуоттар оройуоннааҕы ассоциацияларын бэрэссэдээтэлэ Наталья Бенчик, оройуон дьаһалтатын баһылыгын тыа хаһаайыстыбатын боппуруостарыгар солбуйааччы Константин Неустроев, «Өлөөн» МУП директора Марина Николаева, бэтэрээннэр сэбиэттэрин бэрэссэдээтэлэ Валентина Гаврильева уонна да атын оройуон тэрилтэлэрин бэрэстэбиитэллэрэ.
Юбиляры чиэстээһин итии чэйдээх остуолунан уонна уопсай  хаартыскаҕа түһүүнэн түмүктэннэ.
photoByWidth&id=50038&width=1000
При частичном или полном использовании материалов гиперссылка на сайт ysia.ru обязательна.
Категория: Культура Просмотров: 775 Источник: ЯСИА Автор: Николай Стручков Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ