ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
23 июля 2015, 11:17

Быраабы араҥаччылыыр уорганнар иһитиннэрэллэр


Эмиэ педофил! Мирнэй полициятыгар от ыйын 19 күнэ үүнэр түүнүгэр иһитиннэрии киирбит. Заречнай бөһүөлэгиттэн 5 саастаах уолчаан сүппүтүн туһунан.

Оҕону көрдөөһүҥҥэ Ыксаллаах быһыы-майгы, полиция үлэһиттэрэ уонна олохтоохтор кыттыбыттар. Сарсыарда 8.30 чаас саҕана оҕону Заречнай биир дьиэтиттэн булбуттар.

Билигин биллибитинэн, от ыйын 18 күнүн киэһэтигэр уолчаан оҕо былаһааккатыгар оонньуу сырыттаҕына, биир киһи кэлэн, куттаан туран, дьиэтигэр илдьэ барбыт. Уонна онно тиийэн, күүс өттүнэн сылдьыһар дьайыылары оҥорбут.

Бу чахчынан РФ Холуобунай кодексатын 132-с ыст. 4-с чааһын “б” пуунунан холуобунай дьыала тэриллибит. Урут сууттана сылдьыбыт, ханна да үлэлээбэт 48 саастаах уорбаланааччыны тутан хаайдылар.

Оттон кыра оҕо уйулҕатыгар улахан охсууну ылбатын туһуттан психологическай биир кэлимсэ көмө оҥоһуллуоҕа диэн силиэстийэ уорганнара эрэннэрэллэр. 

Сиэртибэ – оҕо 

Оттон Үөһээ Бүлүү улууһугар улахан дьон кыыһырсыытын түмүгэр, 11 ыйдаах оҕо эмсэҕэлээтэ.

От ыйын 16 күнүгэр Үөһээ Бүлүү сэлиэнньэтин олохтооҕо дьахтар биир билэр киһитигэр ыалдьыттыы кэлбит. 11 ыйдаах оҕотун көтөхпүтүнэн. Ыалдьыттыы да буолаахтаан, -- арыгылыы. Ол аһыы-сии олорон, түүн, оҕо утуйа сыттаҕына, бу дьоммут кыыһырсан-бурайсан турбуттар. Эр киһи кыыһырбыт омунугар дьахтары эрэ буолбакка, быыкаайык барахсаны эмиэ кырбаабыт. Оҕо эрэйдээх билигин Дьокуускай куоракка балыыһаҕа ыарахан туруктаах сытар.

Бу 24 саастаах чааһынай предпринимателгэ РФ Холуобунай кодексатын 111-с ыст. 2-с чааһын “б” пуунунан, ол эбэтэр, кыра саастаах оҕону соруйан ыараханнык эчэтии бэлиэтэ баарынан, холуобунай дьыала тэриллибит. Уорбаланааччы СИЗО-га хаайыллыбыт.

Оттон оҕо ийэтэ олорор сириттэн куһаҕаннык характеристикаланарын, итириктиирин иһин, сокуоннай саастарын ситэ илик оҕолор дьыалаларыгар хамыыһыйа кини ийэ буолар быраабын быһар туһунан боппуруоһу көрөллөр.

Кутталлаах балыыһа 

Прокуратура уорганнарын бэрэбиэркэтин түмүгүнэн РФ Холуобунай кодексатын 109-с ыст. 2-с чааһынан холуобунай дьыала тэрилиннэ.

Ол эбэтэр, идэнэн эбээһинэһи сөбө суохтук толорон, сэрэҕэ суохтан киһини өлүүгэ тиэрдии бэлиэтэ баарынан. Дьыала туохха олоҕуран тэриллибитий? Бу дьыл олунньу ыйыгар Уус Маайа улуустааҕы балыыһатыгар 30 саастаах дьахтары эпэрээссийэлээн, өлбүт оҕотун ылбыттарын кэнниттэн, хас да чаас буолан баран, дьахтар бэйэтэ эмиэ өлөөхтөөбүт.

Онтон кулун тутар ыйга эмиэ бу балыыһаҕа икки оҕо төрөөн баран, аҕыйах чаас иһигэр өлбүт. Силиэстийэ сабаҕалыырынан, бу балыыһа медүлэһиттэрэ эбээһинэстэрин сөптөөхтүк толорбуттара буоллар, дьахтар да, саҥа төрөөбүт оҕолор да тыыннаах хаалыа этилэр.

При частичном или полном использовании материалов гиперссылка на сайт ysia.ru обязательна.
Категория: Происшествия Просмотров: 787 Источник: Газета "Саха Сирэ" Автор: Вера Макарова Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ