Жан-Поль Вандерлинден биэрэк кытыытынааҕы түөлбэҕэ климат уларыйыыта хайдах дьайарын үөрэтэр норуоттар икки ардыларынааҕы научнай бырайыагы салайан үлэлэтэр.
Бу бырайыак чэрчитинэн былырыын Тиксиигэ олохтоохтор ортолоругар ыйытык ыыппыттара. Ити түмүгэ научнай бырайыакка аахсыллыахтаах.
Тойон Вандерлинден этэринэн, норуоттар икки ардыларынааҕы таһымҥа бырайыак өссө да үс сыл үлэлиэхтээх. Оттон Россияҕа чинчийии үлэтэ быйыл түмүктэнэр.
Айылҕа харыстабылын миниистирэ Сахамин Афанасьев бөдөҥ учуонайы кытта көрсүһүүгэ министиэристибэ ыраас салгыны харыстааһыҥҥа, айылҕа киртийиитин утары, о.д.а ыытар үлэлэрин билиһиннэрдэ.
«Киһи – биосфера сороҕо. Киһи олоҕун уонна климат уларыйыытын хардарыта сибээстэрин үөрэтии – аан дойдутааҕы наукаҕа ураты миэстэни ылар. Киһи сарсыҥҥы күнүгэр эрэллээх буолуохтаах», - диэтэ миниистир.
Комментарии
Авторизация на сайте через социальные сети