Оттон ахсынньы 26 күнүгэр улууспут биир тарбахха баттанар уопуттаах иитээччилэрдээх, талааннаах оҕолордоох “Туллукчаан” уһуйаан саҥа дьиэҕэ көһөн киирдэ.
Саҥа дьиэҕэ киирэр аалай кыһыл лиэнтэни Чурапчы улууһун баһылыга А.Т. Ноговицын, СӨ үөрэҕин миниистирин бастакы солбуйааччы В.В. Гуляев, Чурапчы нэһилиэгин баһылыга С.А. Саргыдаев, “Якуттеплосеть” ХЭТ генеральнай дириэктэрэ А.С. Пинигин, “Туллукчаан” уһуйаан иитиллээччитэ үөрүүлээх быһыыга-майгыга быстылар.
Дьиэни туппут “Якуттеплосеть” ХЭТ генеральнай дириэктэрин солбуйааччы Г.Д. Алексеев саҥа уһуйаан символическай күлүүһүн дьиэ хаһаайкатыгар -- уһуйаан салайааччытыгар Т.И. Ефремоваҕа туттарда.
Эҕэрдэ тылы СӨ Ил Түмэнин депутата, “Сахатранснефтегаз” тэрилтэ генеральнай дириэктэрэ И.К. Макаров уонна СӨ Ил Түмэн депутата, олимпийскай чемпион П.П. Пинигин эттилэр.
Саҥа дьиэ үөрүү-көтүү, ситиһии уйата буоллун, иитиллээччилэрин ситиһиитинэн кынаттанан, бииртэн биир чыпчааллары дабайдын!
Комментарии
Авторизация на сайте через социальные сети