Онтон 2011 сыллаахха таас дьиэни тутар туһунан быһаарбыттара. Тутууга уопсайа 8 мөл. 500 тыһ. солк. көрүллүбүтэ. Дьиэ аныгы олох ирдэбилигэр эппиэттиир, толору хааччыллыылаах, сылаас, сырдык, киэҥ.
Ахсынньы 7 күнүгэр Сунтаардааҕы анал коррекционнай оскуола таас куорпуһун үлэҕэ киллэрии үөрүүлээх сиэрэ-туома буолла.
Манна улуус баһылыга А.В. Григорьев, «АЛРОСА» АК материальнай-техническэй хааччыйыыга управлениетын начальнига, попечитель А.Д. Волянскай, үөрэх управлениетын начальнига Г.М. Еремеев, коррекционнай оскуола дириэктэрэ А.С. Игнатьева үөрүүлээх быһыыга-майгыга аалай кыһыл лиэнтэни быстылар.
Ил Түмэн депутаттара А.С. Уаров, В.А. Местников, И.Д. Васильев кэлэн эҕэрдэлээтилэр. С.А. Зверев аатынан музей комплексын дириэктэрэ, алгысчыт Д.К. Осипов дьиэни алҕаата.
Доруобуйаларынан хааччахтаах оҕолор үөрэнэллэригэр, сайдалларыгар сөптөөх, табыгастаах усулуобуйа баар буолуохтааҕын туһунан ыалдьыттар санааларын эттилэр, оскуолаҕа сэмэй бэлэхтэрин туттардылар.
Комментарии
Авторизация на сайте через социальные сети