- Мария Васильевна Саха НКИК Сунтаардааҕы филиалыгар редакторынан үлэлээбитэ. Ону сэргэ улуустааҕы «Ньургуһун» литературнай түмсүү салайааччытынан талыллан үлэтин эмиэ сонуннук саҕалаан эрэр. Холобур, бу соторутааҕыта айар талааннаахтарга аналлаах бырайыак суруйан, ситиһиилээхтик көмүскээн, 1 мөл. солкуобайдаах грант ылбыта. Бу харчынан улууспут суруйар, айар талааннаахтарын айымньыларын хомуйан кинигэ бэчээттэтэргэ үлэлэһэ сылдьар.
- Спорт отделын начальнигынан үлэлии сылдьыбыт Д.А.Данилов уурайан, төрөөбүт Тааттатыгар нэһилиэк баһылыгар кандидатуратын туруорунан, быыбар иннинээҕи агитация кэмигэр дойдулаата. Кини оннугар начальник эбээһинэһин толорооччунан С.А.Павлов ананна.
- Семен Андреевич төрүт Сунтаар. Кини аата спорт эйгэтигэр улууска эрэ буолбакка, өрөспүүбүлүкэбитигэр, тас да өттүгэр тиийэ биллэр. Араас таһымнаах күрэхтэһиилэргэ улууһун элбэхтэ ааттаппыт спортсмеммыт. Көҥүл тустууга Россия спордун маастара, хапсаҕайга СР спордун маастара. Оҕолорго, ыччакка көҥүл тустууга Россия икки төгүллээх призера. Н.Тарскай уонна Д.Коркин бирииһигэр ыытыллыбыт рсепубликатааҕы күрэхтэһиилэр кыайыылаахтара. Чурапчыга ыытыллыбыт Манчаары оонньууларын чемпиона.
- Оттон «Сунтаравтодор» салалтатыгар эмиэ уларыйыы таҕыста. Ол курдук, тэрилтэ генеральнай директорын солбуйааччынан Үөһээ Бүлүүттэн төрүттээх Е.Б.Миронов үлэлээн эрэр.
- Евгений Борисович бу иннинэ Дьокуускай куоракка эмиэ биир улахан тэрилтэ директорынан таһаарыылаахтык үлэлээбит.
- Үлэ харыстабылын улуустааҕы тэрилтэтигэр кылаабынай специалиһынан олохтоох уолбут Н.И.Уаров ананан үлэтин саҕалаата.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети