- Оройуон тэриллибитэ 85 сыллаах үбүлүөйүн алданнар ахсынньы 5 күнүгэр бэлиэтээри бэлэмнэнэллэр. Бу бэлиэ күнү ылыыга СӨ Ил Дарханын уонна Бырабыыталыстыбатын дьаһалтатын салайааччы Юрий Куприянов кэлэрэ былааннанар.
- Бырааһынньык чэрчитинэн сарсыарда Томмот куоратыгар федеральнай тус сыаллаах программанан тутуллубут икки олорор дьиэни , Алдаҥҥа муниципальнай программанан тутуллубут социальнай хайысхалаах биир олорор дьиэни үөрүүлээх быһыыга-майгыга аһыахтара.
- Эбиэттэн киэһэ ыалдьыттар үбүлүөйгэ анаммыт прикладной искусство маастардарын быыстапкатыгар сылдьыахтара. Бырааһынньык бэлиэ түгэнинэн Алдан оройуонун 85 сылыгар аналлаах Култуура дыбарыаһыгар ыытыллар киэҥ программалаах биэчэр буолуоҕа. Оройуон историятын кэпсиир музей экспозцията көрдөрүүгэ туруоруллуоҕа. Сэрии, тыыл , үлэ бэтэрээннэрин эҕэрдэлиэхтэрэ, тэрилтэлэр, оройуон бастыҥ үлэһиттэрин наҕараадалыахтара.
- Биир киһи сэҥээрэр түгэнинэн үлэ династияларыгар өйдөбүньүк бэлиэни уонна махтал суруктары туттарыы буолуоҕа. Барыта 10-15 династияны эҕэрдэлиэхтэрэ, кинилэр үлэлэрин-хамнастарын көрдөрүөхтэрэ, билиһиннэриэхтэрэ.
- Нэһилиэктэр, бөһүөлэктэр баһылыктара, улахан тэрилтэлэр салайааччылара дьоннорун-сэргэлэрин, үлэһиттэрин эҕэрдэлиэхтэрэ, наҕараадалыахтара, ырыа-тойук дьиэрэйиэ. Оройуон социальнай экономическай сайдыытыгар сүҥкэн кылааттарын киллэрэр көмүс хостооччулар, тимир суол үлэһиттэрэ тутааччылар , тырааныспар, доруобуйа харыстабылын, үөрэх салаатын,тыа хаһаайыстыбатын уо.д.а. эйгэ үлэһиттэрэ бырааһынньыктааҕы тэрээһиннэргэ кыттыахтара, үөрүөхтэрэ-көтүөхтэрэ.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети