- Күөрдэм нэһилиэгин ытык олохтооҕо В.П.Капустинаҕа, дьиэтэ ититэр ситимҥэ холбоммутун истэн, таарыйан аастым. Миигин сиэнинээн күө-дьаа буолан, үөрэ-көтө көрүстэр.
- - Бастатан туран, баһылыкпытыгар Андрей Анатольевичка, ОДьКХ Күөрдэмнээҕи учаастагын маастарыгар Артем Петровичка махталбыт мунура суох. Кинилэр көмөлөрүнэн ититэр ситимҥэ холбонон үөрэн-көтөн олоробут. Чугас эргин уокка оттор мас чордонон, кэлиҥҥи сылларга Покровскайтан кэлэн атыылыыллар. Биһиги 20 куб. м маһынан туоруурбут, сыаната да сүрдээх ыарахан. Дьэ, быйыл сылаастык, этэҥҥэ кыстыахпыт диэн эрэмньилээх сылдьабыт, - диэн ис-иһиттэн сылаанньыйан олорон Вера Павловна үөрүүтүн үллэһиннэ.
- Ол сырыыбар ОДьКХ хочуолунайыгар өрөмүөн үгэнэ этэ. Учаастак маастара А.П.Леонтьев үлэтин-хамнаһын билиһиннэрдэ.
- - Билигин ыалларга сылааһы киллэриини түмүктээн эрэбит. Чааһынай сектор ититиигэ холбоммутунан, коллекторбытын суон турбанан уларыта сылдьабыт. Хочуолунайбыт кыамтатын улаатыннарыы эһиилги былааҥҥа киирдэ. Өрөмүөн үлэтигэр сыбаарсыкпыт Владимир Власенко, слесардар Николай Федоров уонна Виктор Леонтьев кыһаллан үлэлииллэр, бэйэлэрин идэлэрин толору баһылаабыт дьон, - диэн үлэһиттэрин киэн тутта эттэ Артем Петрович.
- Нэһилиэкпит дьоно-сэргэтэ сылаастык олордоҕуна, үлэ-хамнас көрдөрүүтэ бары өттүнэн тупсуо!
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети