ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
22 июня 2015, 12:13

Дьокуускайга Россия Литературатын күннэрэ бэрт тэрээһиннээхтик аастылар


Бэс ыйын 19-21 күннэригэр Дьокуускай куоракка Россия Литературатын күннэрэ бэрт тэрээһиннээхтик буолан аастылар. Тэрээһини Саха Өрөспүүбүлүкэтин бырабыыталыстыбата, Культура министиэристибэтэ уонна Саха сирин Суруйааччыларын союһа иилээн-саҕалаан үрдүк таһымнаахтык ыыттылар.
photoByWidth&id=37439&width=1000
Бэс ыйын 19 күнүгэр Дьокуускайга Опера уонна балет театрыгар буолбут Россия Литературатын күннэрин аһыллыыта литератураны сэргээччилэр болҕомтолорун тарта.
Аан тылыгар Ил Түмэн бэрэссэдээтэлэ Александр Жирков сытыы, баай тыл-өс хайа баҕарар үйэҕэ сэҥээриллэрин этэн туран, суруйааччылары, мустубут дьону Россия Литературатын күннэринэн эҕэрдэлээтэ, Россия суруйааччыларыгар ситиһиини баҕаран туран, хас да киһиэхэ Ил Түмэн Бочуотунай грамотатын туттарда.
photoByWidth&id=37440&width=1000
Россия Суруйааччыларын союһун бэрэссэдээтэлэ Валерий Ганичев, поэт, тылбаасчыт, Россия Суруйааччыларын союһун кырдьаҕастарын сэбиэтин чилиэнэ Анатолий Парпара, прозаик Николай Коняев, поэт, тылбаасчыт, бэчээттээн таһаарааччы Сергей Гловюк, нивх аатырбыт суруйааччыта Владимир Санги элбэх омуктааахРоссия литературата сайдыытыгар Саха сирин улахан кылаатын бэлиэтээн, истиҥник махтаннылар. Россия Судаарыстыбатын Мунньаҕын депутата Федот Тумусов эҕэрдэ тыл эттэ уонна Госдума грамотатын Валерий Ганичевка туттарда.
photoByWidth&id=37441&width=1000
Поэзия биэчэрэ киэҥ далааһыннаахтык ыытылынна. Саха народнай поэттара: Наталья Харлампьева, Иван Мигалкин, Бурятия Суруйааччыларын союһун бэрэссэдээтэлэ Матвей Чолбонов, Бурятия народнай суруйааччыта Бронтой Бедюров, Тываттан поэт, тылбаасчыт, литературовед Сайлыкма Комбу, поэттар Анатолий Парпара, Александр Ананичев (Москва), Валентина Ефимовкая (Санкт-Петербург), Вадим Терехин айар үлэлэрин туһунан сэһэргээбиттэрин, хоһооннорун аахпыттарын мустубут дьон сэҥээрэн иһиттилэр.
Бэс ыйын 21 күнүгэр Бырабыыталыстыба 2 №-дээх дьиэтин мунньахтыыр саалатыгар Россия Суруйааччыларын союһун пленума буолла.  Онно национальнай литератураны сайыннарар, доҕордоһууну бөҕөргөтөр туһунан киэҥ кэпсэтии буолла.
Бу күн Анатолий Слепцов (Таатта), Николай Рыкунов, Лидия Романова (Дьокуускай), Елена Овчарова (Алдан) Саха сирин Суруйааччыларын союһун чилиэннэрэ буолбуттарын туоһулуур киниискэлэрин тутан үөрдүлэр.
photoByWidth&id=37443&width=1000
Бэс ыйын 20 күнүгэр Россия суруйааччыларын улахан бөлөҕө Уус-Алдаҥҥа тахсан Суотту ыһыаҕар сырытта. Күндү ыалдьыттары үтүө үгэс быһыытынан сахалыы таҥастаах кыргыттар кымыһынан айах туттулар. Суотту музейын дириэктэрэ Р.Р. Кулаковскайа Үрүҥ Тунах ыһыаҕынан эҕэрдэлээтэ. Ол кэнниттэн ыалдьыттар музейы кытта билистилэр. Суорун Омоллоон туһунан иһирэх ахтыылары оҥордулар, олохтоох артыыстар балаҕан иһигэр «Сайсары» драматтан быһа тардан оонньоотулар, ырыа ыллаатылар, үҥкүүлээн тэйдилэр.
photoByWidth&id=37445&width=1000
Суотту ыһыаҕар сылдьыбыт Россия суруйааччылара ис дууһаларыттан үөрэн-көтөн олохтоохтору ыһыаҕынан эҕэрдэлээтилэр, истиҥник көрсүбүттэри иһин махтаннылар, инникитин да маннык көрсүһүүлэр салҕанан баралларыгар баҕа санааларын эттилэр. Күндү ыалдьыттар хоһоон ааҕан, бэл хапсаҕай күрэһэр кыттан көх-нэм буоллулар, көрөөччүлэр болҕомтолорун тартылар, сүргэлэрин көтөхтүлэр.
photoByWidth&id=37448&width=1000
photoByWidth&id=37451&width=1000
При частичном или полном использовании материалов гиперссылка на сайт ysia.ru обязательна.
Категория: Культура Просмотров: 974 Источник: ЯСИА Автор: Иван Осипов Изображение: Иван Осипов Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ