Конференцияҕа өрөспүүбүлүкэ бары улуустарыттан 128 делегат кыттара күүтүллэр. Ону сэргэ Профсоюзтар федерацияларын социальнай бииргэ үлэлиир бэрэстэбиитэллэрэ ыҥырылыннылар.
Конференцияҕа Россия тутулуга суох профсоюзтарын федерациятын бэрэссэдээтэлин солбуйааччы Сергей Некрасов уонна Уһук Илиҥҥи федеральнай уокурукка федерация бэрэстэбиитэлэ Андрей Беляев кыттыахтара. Бу күн Саха сирин профсоюзтарын 5 сыллаах үлэтин түмүгүн таһаарыахтара, кэлэр 5 сылга дьоһун суолталаах хайысхалары бигэргэтиэхтэрэ. Саха сирин профсоюзтарын федерациятын президиумун бэрэссэдээтэлин уонна састаабын быыбардыахтара.
Конференция кэнниттэн тута саҥа талыллыбыт састаап бастакы мунньаҕа буолуоҕа. Ол кэнниттэн Саха Өрөспүүбүлүкэтигэр профсоюз үлэһитин күнүгэр аналлаах үөрүүлээх тэрээһин салҕаныаҕа.
Манна сыһыаран эттэххэ, Саха Өрөспүүбүлүкэтигэр Профсоюз үлэһитин күнэ быйыл төрдүс сылын бэлиэтэнэр. Идэлээх күн СӨ Ил Дархана Егор Борисов 2011 с. муус устар 27 күнүнээҕи Ыйааҕынан олохтоммута.
Комментарии
Авторизация на сайте через социальные сети