ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
15 октября 2015, 10:37

Тополинайга саҥа дьиэлэргэ көстүлэр


Тополинай с. хаарбах уонна саахалланар туруктаах дьиэлэртэн көһөрүү федеральнай программатын быһыытынанан тутуллубут 12-лии квартиралаах икки дьиэ үлэҕэ киирдэ. Саҥа квартираларга көтүрүллүбүт дьиэлэр олохтоохторо көстүлэр. Бу тутуу бастакы түһүмэҕэ. Иккис түһүмэххэ 2017 с. диэри 17 саҥа дьиэ тутуллуо. Онон биһиги улууспут саамай уһук сэлиэнньэтэ олох саҥалыы тутуллар буолла.

Олохтоохторго бу олус кэтэһиилээх, долгутуулаах уонна үөрүүлээх түгэн. Бастаан итэҕэйбэт да курдук этилэр. Онтон нэһилиэк баһылыга Надежда Кладкина-Клышейко көҕүлээһининэн 30 сыл анараа өттүгэр Социалистическай Үлэ Геройа, СР норуотун хаһаайыстыбатын үтүөлээх үлэһитэ, Чурапчы уонна Томпо улуустарын бочуоттаах олохтооҕо Василий Михайлович Кладкин салалтатынан тахсыбыт хамсааһын курдук бу үлэ саҕаламмыта.

photoByWidth&id=47064&width=1000

Саҥа дьиэлэргэ көһүү үөрүүлээх сиэригэр-туомугар Томпо оройуонун баһылыга Георгий Герасимов бу элбэх квартиралаах дьиэлэр уопсай иэннэрэ 1200 кв. м, уопсай сыаналара 46 мөл. солк. тэҥнэһэр диэн эттэ. Кини көһөн киирбиттэргэ дьиэлэрэ сылаас, сырдык уонна нус-бараан, хас биирдии квартираҕа оҕо үөрүүлээх күлүүтэ чугдаарарыгар баҕарда.

Мустубут дьону «Атлант» ХЭТ гендиректора Кирилл Федоров эҕэрдэлээтэ. Тэрилтэ биригээтэ дьиэлэри олус кылгас болдьоххо – 11 ый иһигэр тутта. Сэлиэнньэ ырааҕын аахсыбакка кэлбит тутааччылар биригээдэлэригэр уонна кылаабынай прораб Никулин Юрий олохтоохтор махталларын тиэрдэллэр. Салайааччы түргэнник эрэ буолбакка, хаачыстыбалаахтык туттубут диэн эрэннэрдэ.

photoByWidth&id=47066&width=1000

Билигин Тополинайга биэс саӨа дьиэлэр тутуулара саҕаланна. 2016 с. бүтүөхтэрэ. Тутуу матырыйааллара кыһыҥҥы суолунан толору аҕалыллыбыттара. 

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 670 Источник: ЯСИА Автор: Евдокия Неустроева Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ