Бастакы түһүмэххэ кыттааччылар 90-с сыллардааҕы үҥкүүнү-ырыаны толордулар.
Иккис түһүмэххэ 90-с сыллардааҕы таҥаһы-сабы кытта билиһиннэрдилэр. Манна платформалаах атах таҥастаах, ласиналаах, малиновай бинсээктээх ыччат муода көрдөрдө.
Маны тэҥэ 90-с сыллардааҕы мал-сал быыстапката көрдөрүүгэ турда. Видеокамера, кассета, полароид, магнитофон, «Dendy» оонньуу приставката, плеер, ол саҕана аатырбыт сулустар хаартыскалаах плакаттара о.д.а. ааспыт кэми санатар мал-сал элбэҕэ.
Итини сэргэ, хас биирдии хамаанда ол кэмнэргэ аатырбыт оонньуулары оонньоон күрэхтэстилэр. Ол курдук, «Али-Баба», «Алдьаммыт төлөпүөн», «Фантики», «Что? Где? Когда?» оонньуулары ахтан-санаан аастылар.
Куонкурус түмүгүнэн, Тойбохой нэһилиэгин ыччатын хамаандата кыайыылааҕынан ааттанна уонна 3000 суумалаах сертификатынан наҕараадаланна.
DJ Бокуус бэлэмнээбит ааспыт кэмнэри санатар ырыалара ыччат сүргэтин көтөхтө.
Ирина Яковлева, ыччат отделын сүрүн специалиһа
Комментарии
Авторизация на сайте через социальные сети