ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
20 ноября 2015, 11:37

«Бичик»: Күүстээх аҥаардарга күндү бэлэх – «Саха быһаҕа» альбом!


Саха быһаҕа – саха алмааһын, хомуһун кытта тэҥҥэ тутуллар бүтүн норуот киэн туттуута. Бу тыйыс айылҕалаах дойдуга урааҥхай омук быһахтаах буолан, бултаан-алтаан, дьиэ-уот туттан күн бүгүҥҥэ диэри кэллэҕэ. Балыкка, эккэ, булка, маска барытыгар саха быһаҕар тэҥнэһэр табыгастаах туттар тэрил суох. Эр киһи эрэллээх доҕоро, киэн туттуута. Бу өбүгэлэрбит сүдү уонна дьикти бэлэхтэрэ. Атын дойдулар, омуктар быһахтарын кытта тэҥнээтэххэ, саха быһаҕа уһулуччу миэстэҕэ турар.

photoByWidth&id=49794&width=1000

«Бичик» кинигэ кыһата күүстээх аҥаардарга бэлэх оҥорорго «Саха быһаҕа. Якутский нож» диэн икки тылынан суруллубут элбэх хаартыскалардаах бэртээхэй альбому таһаарда. Бу дьикти-кэрэ оҥоһуулаах сиэдэрэй кинигэҕэ Николай Егоров – Баайаҕыын, Мандар Уус өбүгэлэрбит саҕаттан күн бүгүҥҥэ диэри саха быһаҕа сайдыытын, эйгэтин, уратытын анааран көрөллөр. Тимири уһаарыы, уһаныы, быһаҕы охсуу ньымалара, кистэлэҥнэрэ, туттуу сиэрэ-туома, быһаҕы таларга, сытыылыырга сүбэлэр дьоҥҥо-сэргэҕэ туһалыахтара.

photoByWidth&id=49795&width=1000

Умнулла быһыытыйбыт төрүт дьарыкпытыгар Мандар Уус эдэр ыччаты саха былыргы уустарын кистэлэҥнэригэр уһуйар. Кини ньыматынан биилээҕи охсуу, оҥоһуллубут бэлэм быһах тимирин сылыктаан, угун көрөн, кыынын сыаналаан талан ыларга уус сүбэлэрэ ааҕааччы болҕомтотун тардыахтара. Мандар Уус үөрэнээччилэрин үлэлэрэ, Саха сирин биир биллэр тимир ууһа, аан дойду уонна Россия быһахчыттарын быыстапкаларын хас да төгүллээх кыайыылааҕа Сарыал Билюкин, уустар Петр Луковцев, Ильян Павлов о.д.а бастыҥ уустар оҥоһуктара, араас сылларга «Уус-Экспо» быыстапкаҕа көрдөрүллүбүт быһахтар бу альбомҥа түмүллэн киирэн, эр дьон болҕомтотун тардыахтара.

photoByWidth&id=49796&width=1000

Саха быһаҕын уустарбыт аан дойдуга биллэрдилэр. «Якутский нож» диэн ааттанан аан дойду быһахтарын ортотугар бэйэтин миэстэтин бигэтик булла. Үгүс идэлээх, туһанааччы үтүө сыанабылын, хайҕалын ылла. Кэлиҥҥи сылларга быһах охсооччу элбээн, туһанааччылар талар кыахтара улаатан, быһах хаачыстыбата үрдүк таһымҥа таҕыста. Саха ууһун илиитин сылааһын, кутун-сүрүн, үтүө үгэһин иҥэриммит бар дьон кэрэхсиир, хайгыыр, кэпсээн оҥостор кэрэ оҥоһугун туһунан дириҥ ис хоһоонноох, соргулаах сүбэлэрдээх, биилээх тэрил араас көрүҥүн сырдатар альбому кэлэн иһэр Саҥа Дьылга дьиэ кэргэн аҕа баһылыгар күндү бэлэх оҥоруҥ!

Саха быһаҕа – эр киһи эрэллээх доҕоро, киэн туттуута!

photoByWidth&id=49797&width=1000

При частичном или полном использовании материалов гиперссылка на сайт ysia.ru обязательна.
Категория: Культура Просмотров: 1056 Источник: ЯСИА Автор: Марианна Тыртыкова Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ