ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
14 октября 2015, 14:25

Республикатааҕы суолларга болҕомтону ууруохха


Томпо улууһугар СР транспорын уонна суолун хаһаайыстыбатын министрэ Семен Винокуров, "Управление автомобильных дорог Якутии" ГКУ гендиректора Николай Сивцев кэлэ сырыттылар. Кинилэр улуус баһылыгын Георгий Герасимовы, баһылыгы I солбуйааччы Иван Афанасьевы кытта суол-иис боппуруостарын быһаарыстылар.

Бастаан "Алдан" республиканскай массыына суолугар ИлиӨӨи Хаандыга үрэххэ баар муостаҕа сырыттылар. Манна Дьабарыкы Хайа диэки өттүттэн кэлиигэ муоста төбөтүн 2015 с. уу суурайбыта. Халаан уута муостаҕа киириини алдьаппыта. Өрөмүөн үлэтин ыытарга араас бырайыактар киирдилэр. Муостаҕа киириигэ уонна тахсыыга бөҕөргөтөр үлэни ыытыыга бырайыагы хаттаан көрүү былааннанар.

Кыһын чоҕу тиэйиигэ анаан бу алдьаммыт сири кутуохтара. Үлэни суолу салгыы тутуохтаах "Дороги Олекмы" ХЭТ ыытыахтаах. Салгыы бу үлэҕэ олохтоох "Дортранс" ХЭТ (сал. Михаил Матыка) кыттара быһаарылынна. "Алдан" массыына суолун тутуутун салгыы үбүлээһин боппуруоһа турар. Бу суолга сыл ахсын үп көрүллэр да, кээмэйэ кыра.

photoByWidth&id=47008&width=1000

"Дортранс" ХЭТ салайааччыта Михаил Матыка мунньахха «Дьааҥы» республиканскай  суол Тополинай сэлиэнньэтигэр дылы тиэрдэр учаастагар маһынан оҥоһуллубут ууну аһарар турбалары уларытары тоһоҕолоон эттэ. Балар бары өссө "Дальстрой" саҕана тутуллубуттара, туһаттан тахсыбыттара. "Управление автодорог РС (Я)" салалтатын кытта кэпсэтии түмүгүнэн республикаҕа ыытыллар аукционнар кэннилэриттэн, суол фондатын үбүгэр экономия буоллаҕына, бастатан туран "Дьааҥы" массыына суолугар үп көрөргө быһаарыы ылылынна.

Маны таһынан бөлөх Саһыл нэһилиэгэр паром тохтуур сирин оҥорууну быһаарыстылар. Республикаттан үп көрүллэн 1200 м уһуннаах киин уулуссаны улахан уйуктаах массыыналар ааһар гына асфаллаатахтарына бу тохтобул саамай табыгастаах.

2016 с. күһүн суолу тутааччылар олорор Теплай Ключ сэлиэнньэтэ төрүттэммитэ 75 сылын бэлиэтиэхтэрэ. "Халыма" массыына суолун хонтуоратыгар тэрилтэ аппаратын уонна салалтатын мунньаҕа ыытылынна. Манна үбүлүөйдээх тэрээһиҥҥэ бэлэмнэнии былаана көрүлүннэ. Бу былааҥҥа 27,5 мөл. солк. кэриӨэ суумалаах элбэх хайысхалаах культурнай-спортивнай киини түмүктээһин, 21 мөл. солк. тахса суумалаах орто оскуола дьиэтигэр капитальнай өрөмүөнү ыытыы 6,3 мөл. солк. суумалаах бөһүөлэк иһин суолларын өрөмүөннээһин киирдилэр. Доруобуйа харыстабылын министерствотыгар медицинскэй оборудованиенан хааччыллыыга, оборудованиены атыылаһыыга, балыыһаны өрөмүөннээһиҥҥэ сайаапка бэлэмнэннэ. Оскуола өрөмүөнүн туһунан этэр буоллахха, правительство бөлөҕүн мунньаҕын уурааҕынан 2015-2016 сс. оӨоһуллуохтаах этэ да, билигин аһаҕас турар.

photoByWidth&id=47009&width=1000

Олохтоохтор сүрүн кыһалҕалара - ОДьКХ Томпотооҕу филиала хаачыстыбалаах иһэр уунан хааччыйыыта. Сааскы халааҥҥа эбэтэр уһун ардахтар кэннилэриттэн Илиҥҥи Хаандыга уутун таһыма улаатар, кирдээх буолар, оннооҕор киһи техническэй да сыалга туттубат. Онон Теплай Ключ с. уонна Аэропорт с. холбуур уу турбатын тутуу боппуруоһа сытыытык турар. Үбүлүөйү үрдүк таһымнаахтык ыытыыга нэһилиэк дьаһалтатыгар бюджеты таһынан счет арылынна, манна олохтоохтор уонна тэрилтэлэр баҕа өттүлэринэн үп угуохтара. Бастакы бачыымы СР транспорын миниистирэ Семен Винокуров оҥордо. Кини Теплай Ключ нэһилиэгин туһунан кинигэ тахсарыгар бэйэтин хамнаһыттан 50 тыһ. солк. угуом диэн эрэннэрдэ. Кэрэ-бэлиэ түгэн буолара баара-суоҕа сыл эрэ хаалла, онон Теплай Ключ олохтоохторо үбүлүөйдэрин дьоһуннук көрсөр сыалтан туох баар күүстэрин уруохтарын, сыраларын биэриэхтэрин наада.

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 634 Источник: ЯСИА Автор: Евдокия Неустроева Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ