Конференция кэмигэр Саха сирин бырабыыталыстыбата В.А.Алмазов аатынан Санкт-Петербурдааҕы медицинскэй чинчийэр киини кытта бииргэ үлэлииргэ сөбүлэһии түһэристэ. Сөбүлэһии быһыытынан, быраастар хардарыта туһалаахтык үлэлиэхтэрэ уонна үөрэниэхтэрэ.
Конференцияҕа кардиология Россиятааҕы уопсастыбатын президенэ, В.А.Алмазов аатынан Санкт-Петербурдааҕы медицинскэй чинчийэр киин дириэктэрэ, РНА академига Евгений Шляхто кытынна. Быраастар сүрэх-тымыр ыарыыларын эмтээһин, ыарыыны иккис сүһүөх сэрэтии саҥа ньымаларын дьүүллэстилэр.
Билигин Россия Федерациятыгар өлүү ахсаанын аҥаарын сүрэх-тымыр ыарыылара ылаллар. Онон, Доруобуйа харыстабылын министиэристибэтэ ыарыыны сэрэтии, куһаҕан дьаллыктары утары охсуһуу уонна регионнарга суһал көмөнү салайар кииннэри тэрийии көмөлөрүнэн балаһыанньаны уларытар былааннаах.
Комментарии
Авторизация на сайте через социальные сети