Сүбэ мунньахха Саха сиригэр ойуур сыһыаннаһыыларын департаменын салайааччыта Вячеслав Петров от ыйын 13 күнүгэр диэри Алдаҥҥа, Мирнэйгэ, Өлүөхүмэҕэ, хаҥаласка турбут, уопсайа сэттэ баһаары боҕустаабыттарын, биир баһаары умулларбыттарын туһунан кэпсээтэ. “Билигин баһаары умулларыыга 284 киһи, ол иһигэр 104 парашютист-баһаарынайдар, 28 олохтоох нэһилиэнньэттэн үлэлии сылдьаллар”, -- диэтэ кини.
Федеральнай “Авиалесохрана” баһаарынай сулууспатыттан 97 парашютист-десатниктар кэлэн көмөлөһө сылдьалларын туһунан Ойуур хаһаайыстыбатын харыстыыр Федеральнай агенства начальнига Виталий Акбердин иһитиннэрдэ. “Бүгүн эбии 100 парашютист-десантниктар баһаары умулларыы үлэтигэр көмөлөһө кэлиэхтэрэ”, -- диэтэ кини.
Комментарии
Авторизация на сайте через социальные сети