"Ньурбатааҕы көтөр фабриката" ААУо генеральнай дириэктэрэ Семен Корякин эппитинэн, сыах үлэҕэ киириитинэн Бүлүү эҥэр улуустары сымыытынан эрэ буолбакка, куурусса этинэн, фаршынан, куурусса кэнсиэрбэтинэн хааччыйар кыах үөскүүр. Бу үлэҕэ-хамнаска үчүгэй сабыдыаллаах буолуоҕун үлэһиттэр бэлиэтииллэр. Быйыл былаан быһыытынан 37 тонна куурусса этэ бэлэмнэниллиэхтээх.
Бүгүҥҥү туругунан Ньурбатааҕы көтөр фабрикатыгар баар 37 тыһ. тахса куурусса сымыыттыыр кэмэ бүтэн эрэр, ол иһин сымыыт ылыыта аҕыйаабыт. Эһиил олунньуга эдэр кууруссалары Дьокуускайдааҕы көтөр фабрикатыттан ыларга сайаапка түһэриллибит. Онон кэлэр сыл бастакы кыбаарталыгар нэһилиэнньэни сымыытынан хааччыйыы ыарахаттардаах буолуо. Кулун тутар-муус устар ыйдартан эрэ бородууксуйаны ылыы производственнай кыаҕар киириэхтээх.
Ньурбатааҕы көтөр фабрикатын салалтатын былаана киэҥ. Эһиил куурусса этин ыыһыырга, сымыыты фасовкалыырга уонна маркировкалыырга анаан саҥа оборудование ылары былаанныыллар. Фабрика төгүрүк сыл тохтобула суох таһаарыылаахтык үлэлииригэр, регион нэһилиэнньэтин сибиэһэй сымыытынан хааччыйарыгар саҥа инкубатор сыаҕын тутуутун туруорсаллар.
Комментарии
Авторизация на сайте через социальные сети