ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
7 сентября 2015, 13:04

Аммаҕа - Кыайыы ойуура


Бүтүн Россия үрдүнэн ыытыллар «Лес Победы» акцияҕа Амма улууһун олохтоохторо көхтөөхтүк кытталлар. Амма нэһилиэгэр куораттан киириигэ Кыайыылаахтар аллеялара бырайыактанан, атырдьах ыйыттан бэлэмнэнии үлэтэ саҕаламмыта. Манна Улуу сэриигэ кыттыбыт 1769 биир дойдулаахтарбытыгар, хас биирдии буойуҥҥа анаан 1769 маһы суол икки өттүнэн - сэрииттэн кыайыы көтөллөөх этэҥҥэ эргиллибиттэргэ 1005 маһы, уоттаах сэрии хонуутугар сырдык тыыннара быстыбыт буойуннарга 764 маһы олордуохпут.

Балаҕан ыйын 2 күнүттэн  аллеяҕа маһы олордуу саҕаланна. Бу күн улуус дьаһалтатын үлэһиттэрэ уонна Амматааҕы Л.Киренскай аатынан лицей үөрэнээччилэрэ 108 маһы олортулар. Нөҥүө күнүгэр, иккис Аан дойду сэриитэ түмүктэммитэ 70 сылын бэлиэтиир тэрээһин чэрчитинэн, үлэ бэтэрээннэрэ, сэрии сылын оҕолоро мас олордуутугар кытыннылар. Бу үтүө дьыала акциятыгар Амма улууһун нэһилиэктэрин олохтоохторо, тэрилтэлэрэ, сэрии кыттыылаахтарын оҕолоро, чугас аймахтара бары кыттыахтара. Акция балаҕан ыйын 27 күнүгэр диэри ыытыллыаҕа.

photoByWidth&id=43702&width=1000

 Бырайыак ааптара, Амма улууһун бочуоттаах олохтооҕо Иван Махночевскай:

 

photoByWidth&id=43705&width=1000

„Былырыын сэрииттэн эргиллибэтэх буойуннарга маһы олордуоҕун диэн бэтэрээннэр Сэбиэтигэр киллэрбиппит. Онтон быйыл бу үтүө дьыала бүтүн Россия үрдүнэн ыытыллар буолбутуттан олус үөрэбин. Кэлэр көлүөнэлэргэ хорсун быһыы холобурун тиэрдэр өйдөбүнньүк пааматынньык тэҥэ буолар. Олордубут мастарбытын, буорга силис тардыахтарыгар диэри көрөн-истэн үүннэриэх тустаахпыт“.

Л.Киренскай аатынан лицей 11 кылааһын үөрэнээччитэ Алексей Ермолаев:

photoByWidth&id=43706&width=1000

„Бу үтүө дьыала акциятыгар лицей 10,11 кылааһын уолаттара кытта сылдьабыт. Бэҕэһээ, бүгүҥҥү тэрээһиҥҥэ бэлэмнээн 50 мас олордуллар дьааматын хаспыппыт. Бүгүн бэтэрээнэри кытта 50 маһы олордуохпут. Биһиэхэ аҕа саастаах көлүөнэ хорсун быһыытын үйэтиигэ кыттарбыт улахан чиэс, онон киэн туттабыт“.

Улууска Кыайыы ойуура акция тэрийэр хамыыһайа бэрэссэдээтэлэ, улуус баһылыгын тутууга уонна инфраструктураҕа солбуйааччы Дмитрий Иванов:

photoByWidth&id=43707&width=1000

„Биһиги эйэлээх олоххо олорор көлүөнэ Улуу Кыайыыны ситиспит аҕа көлүөнэ Албан аатын үйэтитэр ытык иэспит буолар. Аллея сирин оҥоһуутун уонна күрүөтүн тутуутун улуус салалтата үбүлээтэ, онтон мас олордуутугар улуус тэрилтэлэрэ, олохтоохторо уонна сэрии кыттыылаахтарын чугас дьонноро кыттыахтара. Аллея мастара хас биирдии буойун хорсун бэлиэтэ буоларынан көрөн-истэн, Улуу Кыайы кэрэһитэ гынан илдьэ сылдьыахпыт“.

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 703 Источник: ЯСИА Автор: Иван Дьячковскай Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ