Билэргит курдук, нэһилиэк баһылыгынан талыллан үлэлээбит Павел Сазонов бу дьыл тохсунньу 19 күнүгэр «Мэҥэ-Хаҥалас улууһа» муниципальнай оройуон баһылыгын Николай Старостин дьаһалынан баһылыгы бастакы солбуйааччынан анаммыта. Онон нэһилиэк олохтоохторо болдьоҕун иннинэ баһылыктарын быыбардаатылар.
Нэһилиэккэ икки быыбардыыр учаастагынан испииһэккэ уопсайа 1748 быыбардааччы киллэриллибититтэн, 1232 киһи ( 70,48 бырыһыан) кытынна.
Быыбар түмүгүнэн баһыйар үгүс куолаһы «Биир ньыгыл Россия» туруорбут кандидата Николай Гаврильевич Федоров ылан нэһилиэк баһылыгынан талылынна. Киниэхэ 606 киһи куолаһын биэрдэ. Светлана Дмитриевна Пудова иһин 503, Андрей Климентьевич Петров иһин 105 киһи куоластаата. 8 киһи бары кандидаттары утарда.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети