ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
20 ноября 2015, 14:55

Тыа хаһаайыстыбатын миниистирэ Сунтаар Куокунутугар сырыыта

Бу күннэргэ биһиги улууспутугар СӨ тыатын хаһаайыстыбатын уонна аска-үөлгэ политикатын миниистирэ А.Е.Артемьев үлэтин бэрээдэгинэн сылдьар. Ол курдук, кини биһиги улууспутугар сэрэдэ күн көтөн кэлээт даҕаны быһаччы Куокуну нэһилиэгэр 120 миэстэлээх саҥа хотон аһыллыытыгар сырытта. Кинини улуус баһылыга А.В.Григорьев, баһылыгы солбуйааччы М.М.Прокопьев, улуустааҕы тыа хаһаайыстыбатын управлениетын начальнига И.В.Тихонов, «Кириэстээх» ТХПК директора В.С.Егоров уо.д.а. арыаллаатылар.

photoByWidth&id=49885&width=1000

Хотону үөрүүлээхтик аһыы сиэрэ-туома эрдэ оҥоһуллубут программаттан тардыллан саҕаланна. Онуоха «буруйдааҕынан» миниистир көтөн кэлбит сөмөлүөтэ үс чаас хойутааһына буолла. Ону ол диэбэккэ, Александр Еремеевич программаҕа уларытыыны киллэрбэтэ. Бу иннинэ кини Амма улууһун баһылыгынан үлэлии сылдьыбыт буолан, программаны уларытар кэккэ уустуктардааҕын билэрэ сыттаҕа дии.

Миэстэтигэр миниистири Куокуну нэһилиэгин баһылыга Л.П. Михалев, «Кириэстээх» ТХПК Куокунутааҕы отделениетын управляющайа Г.В.Васильева көрүстүлэр. Үөрүүлээх тэрээһиҥҥэ манна үлэлиир дьон кэлбиттэр. Күндү ыалдьыттары көөнньө сылдьар кымыһынан, уоһахтаах алаадьынан айах тутан көрүстүлэр.

Үгэс буолбут кыһыл лиэнтэни быһа кырыйыы кэнниттэн арочнай хотону киирэн көрдүлэр. Билиҥҥитэ хотон сылаас. Манна 120 эдэр ыанньык турар. Сүөһүлэр төрөлкөйдөрө сүрдээх. Кыстыкка саҥардыы киирдэхтэрэ. Сааҕы-ииги «Синтай» тыраахтыр таһаарар эбит. Техника хотоҥҥо бэйэтигэр турар. Хотон иһэ киэҥ. Управляющай Г.В.Васильева маннык диэн эттэ: «Биһиэхэ саҥа хотон 33 сыл буолан баран тутулунна. Саҥа объект тутуллан үлэҕэ киирбитигэр улахан үтүөлээх киһинэн салайааччыбыт В.С.Егоров буолар диэн быһаччы этиэххэ наада».

Инники былааннара эмиэ улахан эбит. Ол курдук, манна өссө биир 120 ынах сүөһү турар хотонун уонна подсобканы тутар баҕалаахтар. Онуоха тустаах министиэристибэ өйөбүл буоларыгар көрдөстүлэр. 

Бу объект бэдэрээтчигинэн «Ордахов Т.М.» ИП буолбут. Объект кылгас кэм иһигэр тутуллан үлэҕэ киирбит. Оруобуна кыстыгы көрсө. Санатан этэр буоллахха, билигин улууспутугар 19 саҥа хотон тутуллар. Олортон 10-чатын үлэтэ бүттэ. Маннык дьаһаныы улууспутугар уруккута суох этэ.

Куокунуга өссө агро хайысхалаах орто оскуола баар. Бэйэлэрэ кэтэх хаһаайыстыбалаахтар. Сылгыны, ынаҕы иитэллэр. Сайынын оҕо лааҕырын тэрийэн үлэлэтэллэр. Онно сүрүннээн оҕуруот аһын үүннэриинэн дьарыктаналлар. Бу сайын кинилэр 40 т хортуоппуйу, 25 т хаппыыстаны хомуйбуттар.

Миниистир А.Е.Артемьев биһиги улууспутугар үлэтэ салҕанар.

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 668 Источник: ЯСИА Автор: Гаврил Андреев Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ