- Улуус кииигэр «Добун» Култуура киинигэр сарсыардаттан норуот маассабай бырааһынньыга, урбаанньыттар быыстапка-дьаарбаҥкалара буолла. Россия туһунан ырыа-тойук дьиэрэччи тардылынна.
- Сарсыарда 11 чаастан улуус киинин «Добун» Култуура киинигэр улуус обшественноһын бырааһынньыкка аналлаах үөрүүлээх мунньаҕа Россия Өрөгөйүн ырыатынан саҕаланна. Россия күнүн туһунан киэҥ ис хоһоонноох дакылааты улуус баһылыга А.В. Григорьев оҥордо.
- Анатолий Васильевич бэйэтин этиитигэр күн бүгүн биһиги тапталлаах дойдубут Россия аан дойду биир баараҕай күүстээх, сайдыылаах дойдута буолбутун тоһоҕолоон бэлиэтээтэ. Россияны кытта биһиги Сахабыт сирэ илии илииттэн доҕордуу тутуһан сайдыы суолунан инники хардыылыыр. Инникитин даҕаны үйэлэртэн үйэлэргэ Россия элбэх омуктарын кытта бииргэ сайдыахпыт диэн этиитин түмүктүүр.
- Салгыы бу үөрүүлээх күҥҥэ улуус баһылыга араас государственнай наҕараадалары, сыл аайы үгэскэ кубулуйбут улуус баһылыгын граннарын, анал бириэмийэлэри үлэ бастыҥнарыгар туттартаата.
- Бу күн биһиги улууска ыалдьыттыы кэлбит Мирнэйдээҕи политехническэй институт директора А.А. Гольдман мустубут дьону Россия күнүнэн итиитик-истиҥник эҕэрдэлээтэ. Бэрт кылгастык алмаастаах кыраай олоҕун-дьаһаҕын, кини ситиһиилэрин туһунан кэпсээтэ. Түмүгэр Альбина Абрамовна: «Биһиги Саха сирин дьоно дьоллоохпут даҕаны - Россияны кытта бииргэ баарбытынан», - диэбитин саалаҕа олорор дьон, кырдьык оннук диэбиттии, дохсун ытыс тыаһынан көрүстүлэр.
- Түмүккэ Россия күнүнэн эҕэрдэ концерт буолла.
- Сунтаар улууһа модун Россия Эбэ Хотун биир сорҕото буоларынан киэн туттарын бу күн дьон үөрүүтэ-көтүүтэ, сүргэтэ көтөҕүллүбүтэ өссө төгүл бигэргэттэ.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети