- Кэбээйи сэлиэнньэтигэр сайыҥҥы уу ситимин тарпыттара 7-8-с сыла буолбут. Сэлиэнньэ улаханынан, сыллата туһанааччы ахсаана элбии турар диэтилэр. Турбалара - тимирдэр, онон дьэбинирбит уу кэлэр. Иһэр уу кыһалҕатын быйыл сайын быһаарар былааннаахтар. Уу ыраастыыр тэриллэрин Малыыда күөл кытыытыгар оҥорбуттар. Иһэр ууну бытыылканан тарҕатыахтаахтар.
- Тыайалар 2005 с. сайыҥҥы уу ситимин туһаналлар эбит, тимир турбаларын аныгы дьэбинирбэт турбанан солбуйар былааннаахтар.
- Куокуйдар 2008 сылтан туһаналлар. Кэлэр уу дьэбиннээҕин иһин, сөҥүрдэн аһыырга туттабыт дииллэр.
- Сииттэлэр аныгы дьэбинирбэт турбанан оҥостуммуттар, быйыл сайынтан саҕалаан үлэлиэхтээх. Иһэр ууларын ыраастыыр, бытыылкалыыр тэриллэрин бэлэмнээбиттэр.
- Баҕадьалар эмиэ оҥостубуттар, быйыл сайынтан үлэлиэхтээх.
- Мукучулар уу ситимин оҥосторго көҥүлү, көмөнү ситиспиттэр, матырыйаалын аҕаларга үлэлэһэ сылдьаллар диэтилэр.
- Чагдалар бастакы бырайыактара экспертизаны ааспакка, хаттаан оҥорбуттар. Быһаарыытын күүтэбит диэтэ, эдэр баһылык В.В. Павлов.
- Сиэгэн Күөл нэһилиэгин баһылыга Е.К. Заблоцкая: «Туруорса сатыыбыт да, уочарат улахан», - диир.
- Мастаахтар, сэлиэнньэлэрэ киэҥинэн, икки автономнай уу ситимин олохтуурга дьаһаммыттар. Матырыйааллара толору аҕалыллыбыт. Уу ыраастыыр биир эбийиэк тутуллан бүтэн эрэрин көрдүм. Быйыл сайын уу ситимин үлэҕэ киллэрэр баҕа санаалаахтар.
- Оо, уу барахсан тугу тупсарбатаҕа,оҥорботоҕо баарай! Бар дьонум, уу ситимэ көдьүүһүрэрин туһугар дуоһуйа түбүгүрүҥ. Ыччаттаргыт аныгы сайдыылаах олоххо эрэллээхтик хардыылыылларын тиэтэтиһиҥ.
- Олохпут сайдарын, тупсарын, көдьүүһүрэрин туһугар бэйэбитинэн түбүгүрүөҕүҥ.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети