ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
28 июля 2015, 15:38

«Бичик»: Болҕойуҥ, “Саха сирин нэһилиэктэрэ” энциклопедия!


Саха сирэ – тымныы, үгүс-элбэх сир баайдаах, тыытыллыбатах кэрэ айылҕалаах эрэ дойду буолбатах. Бу, бастатан туран, кини киэҥ иэнигэр тэнийэн олорор, үлэлиир, айар-тутар дьоно-сэргэтэ.

photoByWidth&id=40732&width=1000

Төрөөбүт республикабыт нэһилиэнньэтин улахан аҥаара тыа сиригэр – нэһилиэктэринэн тарҕанан олорор. Хас биирдии нэһилиэк бэйэтэ туспа, хатыламмат “дьылҕалаах”. Кини – суон сурахтаах былыргылаах, дьоһун, дьоллоох быйылгылаах, сайдар, үүнэр сарсыҥҥылаах. Кини – атын сиргэ ханна да суох ураты эйгэ. Сорох нэһилиэк сатабыллаах, мындыр уустарынан, сорох дьикти кэрэ айылҕатынан, туруу үлэһиттэринэн албан аатырар. Биир нэһилиэккэ ымыылаах ырыаһыттар, атыҥҥа өркөн өйдөөхтөр, үһүскэ кус быһый, ат бөҕө дьон уутуйан үөскүүллэр.

Саха Республикатын С.А. Новгородов аатынан “Бичик” национальнай кинигэ кыһата саҥа, сонун бырайыак бэлэмниир – “Саха сирин нэһилиэктэрэ” диэн республика бары нэһилиэктэрин хабан кэпсиир, көрдөрөр энциклопедия тахсара былааннанар. Республика бары нэһилиэгин сырдатар маннык хабааннаах кинигэ Саха сиригэр бастакынан оҥоһуллар.

Бу дьоһун энциклопедияҕа кыттыһан нэһилиэккит туһунан киэҥ эйгэҕэ билиһиннэрэр, үйэтитэр түгэни мүлчү тутумаҥ! Суруллубут – суоруллубат!

Мантан сиэттэрэн, күндү бар дьоммут, улуустар, нэһилиэктэр аҕа баһылыктара, эһигини бу суолталаах, кэскиллээх, кэрэхсэбиллээх суолга кыттыһан нэһилиэккит уруккутун, бүгүҥҥүтүн, кэрэ-бэлиэ сирдэрин, киэн тутта ааттыыр дьоҥҥут туһунан сиһилии суруйан, хаартыскаларынан ситэрэн “Бичик” кинигэ кыһатыгар бу дьыл балаҕан ыйын 10 күнүгэр диэри тиксэриҥ диэн ыҥырабыт! 

Энциклопедияҕа киирии туһунан сиһилии bichik.ru сайтан билсиҥ. Маны сэргэ, улуускут дьаһалтатыттан туоһулаһыаххытын сөп.

Билсэр төлөпүөн: 8-(4112)-34-30-98

Электроннай аадырыс: zakazred@mail.ru

При частичном или полном использовании материалов гиперссылка на сайт ysia.ru обязательна.
Категория: Культура Просмотров: 951 Источник: ЯСИА Автор: СИА Подписаться на обновления

Комментарии Добавить комментарий

Nikolay Pavlov 29 июля 2015, 08:19 Ответить
0
Саайтарыгар киирэ сырыттым да, энциклопедия туһунан салааны булбатым ;(
Вы не можете оставить комментарий, пока не войдете в систему. Вход / Регистрация
Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ