Үөрүүлээх тэрээһиҥҥэ улуус баһылыга Юрий Боярскай, архитектура уонна тутуу министрэ Вера Кузакова, тыа хаһаайыстыбатын министрин солбуйааччы Сталик Дерягин, Ил Түмэн депутата, олимпийскай солбук училищетын директора Алексей Филиппов, биллиилээх чинчийээччи, кыраайы үөрэтээччи, СР Общественнай палататын чилиэнэ Андрей И, Москва куораттан предприниматель Иван Немировскай, оройуон Сэбиэтин председателэ Федор Головацкай, нэһилиэк баһылыктара, үлэ, тыыл ветераннара, Уус-Маайа, Петропавловскай олохтоохторо кыттыыны ыллылар.
Киирэр аҥҥа тардыллыбыт кыһыл лиэнтэни Юрий Боярскай, Вера Кузакова, Сталик Дерягин, Алексей Филиппов быһа кырыйдылар. Тутааччылар биригэдьиирдэрэ Ролан Сугян дьиэ символическай күлүүһүн Юрий Боярскайга туттарда.
Онтон бырааһынньыктааҕы кэнсиэр буолла. Көрөөччүлэр биһирэбиллэрин Россия эстрадатын сулуһа Анна Аверина, Саха сирин ырыаһыттара Юлия Филь, Егор Степанов ыллылар.
Улахан саалалаах Культура киинин олохтоохтор олус диэн астыннылар, бу күнү улаханныын-кыралыын өр күүппүппүт дииллэр. Бөһүөлэк баһылыгын эбээһинэһин толорооччу Дмитрий Томтосов: «Сахам сирэ ХХI үйэҕэ» программаҕа киирсэн маннык бэртээхэй Киин туттарбыппытыттан олуһун диэн үөрэбит», - диэтэ.
Комментарии
Авторизация на сайте через социальные сети