- Ньурба улууһугар оҕо сайыҥҥы сынньалаҥын тэрийии туһунан үөрэх управлениетын үлэҕэ методиһа Захарова Александра Николаевна билиһиннэрэр:
- - Ньурба оройуонугар оҕолор сынньалаҥнарын туһалаахтык атааралларыгар СӨ Бырабыыталыстыбатын 2014 сыл ахсынньы 25 күнүнээҕи 500 №-дээх "Оҕолорго чэбдигирдэр сынньалаҥы тэрийии туһунан" уурааҕар уонна "Программа развития образования Нюрбинского района на 2013-2017 гг." тус сыаллаах программаҕа олоҕуран үлэ былааннаахтык барар. Быйыл 36 лааҕырга 2039 (47%) оҕо сынньалаҥа, чэбдигириитэ тэриллиэ уонна үлэнэн хааччыллыа. Ол иһигэр 4 куорат таһынааҕы стационарнай, чэбдигирдэр оҕо лааҕырдарыгар - 315 оҕо, 9 балаакканан лааҕырга - 225, 23 күнүскү лааҕырга 1499 оҕо сынньаныаҕа.
- Күнүскү лааҕырдар 15-18 күнтэн саҕалаан 21 күннээх буолуохтара. Стационарнай лааҕырдарга биир сезоҥҥа - 21, балаакканан лааҕырга 12-15 күн сынньаныахтара.
- 1 стационарнай үлэ лааҕырыгар - 75 оҕо, 5 балаакканан лааҕырга - 150, 14 күнүскү үлэ лааҕырдарыгар 590 үөрэнээччи үлэ үөрүйэхтэригэр уһуйуллуохтара.
- Сайыҥҥы сынньалаҥҥа олохтоох бүддьүөттэн Ньурба оройуонугар 2014 с. 8 582410 солк. үп көрүллүбүт буоллаҕына, быйыл 5 585 000 солк. үп көрүлүннэ. Маны таһынан өрөспүүбүлүкэ бүддьүөтүттэн сайыҥҥы сынньалаҥы тэрийиигэ 7 738 700 солк. субсидия көрүлүннэ. Стационарнай лааҕырдары капитальнай өрөмүөннээһиҥҥэ анаан өрөспүүбүлүкэ бүддьүөтүттэн 1 мөл. суумалаах субсидия ананна.
- Өрөспүүбүлүкэ санаторийдарыгар төлөбүрдээх квоталар көрүлүннүлэр. Ол курдук, "Сосновай Бор" санаторийга (төрөппүттэн усунуос 6500 солк.), "Маленькая страна" (15.05.-04.06.) - 7 миэстэ, "Планета Лингва» (10.06-30.06.) - 13, "Я - гражданин мира». ЮНЕСКО" (1.07.-14.07.) - 15, "Моя Арктика" (17.07-06.08) - 7 путевка.
- ОДьКХ ГУП үлэһиттэрин оҕолоругар анаан "Я инженер" (7.08.-27.08.) - 5, "Дорогою добра" (17.10.-6.11.) - 3 путевка кэллэ.
- "Абырал" санаторийга (усунуос 3500 солк., 27.07-16.08.) - 1, "Чэбдик" (усунуос 3000 солк., 1.06-21.06.) - 2, (15.07-04.08 ) - 2, "Дружба" (усунуос 2000, 06.07-26.07.) - 1, "Смена" (усунуос 4000-7000) - 23.06-13.07. - 3, "Кытыл" (24.06-14.07) - 5, 17.07-06.08. - 4, "Якуткурорт" (усунуос 1500 солк.) 29.06-19.07. - 3. Сочига (усунуос 18 500) эбии субсидированнай бырайыастаах 20 миэстэ көрүлүннэ.
- Ити курдук, сайыҥҥы сынньалаҥнарын оҕолор туһалаахтык атаарыахтара, лааҕырдарга, санаторийдарга, курортарга сынньаныахтара. Оттон сорохтор төрөппүттэринээн сибиэһэй салгыҥҥа, айылҕаҕа окко-маска үлэлэһиэхтэрэ турдаҕа.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети