ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
4 августа 2015, 11:00

Дьокуускайга саҥа томограбы үөрүүлээх быһыыга-майгыга билиһиннэрдилэр


Өрөспүүүбүлүкэтээҕи 2 №-дээх балыыһаҕа-Суһал медицинскэй көмө киинигэр 3 тесла магнитнай хонуулаах саҥа магнитнай-резонанскай томограф (МРТ) баар буолла. Голландия Philips Ingenia аппараата Москваҕа, Иркутскайга, Барнаулга номнуо үлэлиир буоллаҕына, Саха сиригэр бу аан бастаан аҕалылынна.

Саҥа томограбы билиһиннэрии бэҕэһээ, атырдьах ыйын 3 күнүгэр, Өрөспүүбүлүкэтээҕи 2 №-дээх балыыһаҕа үөрүүлээх быһыыга-майгыга ааста.

Томограф балыыһа сиригэр-уотугар анаан тутуллубут дьиэҕэ үлэлиэҕэ. Саҥа тиэхиникэни билиһиннэриигэ СӨ бырабыыталыстыбатын бэрэссэдээтэлин солбуйааччы Алексей Дьячковскай, СӨ Судаарыстыбаннай мунньаҕын (Ил Түмэн) депутата Семен Березин, доруобуйа харыстабылын миниистирин солбуйааччы Олег Припузов, Россияҕа уонна СНГ-га Philips вице-президенэ уонна генеральнай дириэктэрэ Арман Воскерчян, «Бэксек» тутуу компаниятын дириэктэрэ Георгий Матвеев, доруобуйа харыстабылын тэрийээччилэр, кылаабынай быраастар уо.д.а. кытыннылар.

2 №-дээх балыыһа кылаабынай бырааһын тэрийэр-методическай үлэҕэ солбуйааччы Ольга Татаринова:

- Бүтэһик көлүөнэ томограба билиҥҥитэ Саха сиригэр соҕотох. МРТ өҥөтүнэн туһаныан баҕалаахтар сылтан сыл аайы элбээн иһэллэр. Онон маннык кылаастаах аппараат баар буолуута биһиги балыыһабытыгар эрэ буолбакка, Саха сирин доруобуйатын харыстабылыгар бэлиэ түгэнинэн буолар. Балыыһа кэллэктииибэ Саха сирин Ил Дархана Егор Борисовка, СӨ бырабыыталыстыбатыгар, СӨ Доруобуйа харыстабылын министиэристибэтигэр маннык аппарааты атыылаһарбытыгар өйөбүллэрин уонна көмөлөрүн иһин махталын биллэрэр, – диэн эттэ.

Алексей Дьячковскай өрөспүүбүлүкэҕэ өлүү аҕыйаабытын, оҕо төрөөһүнэ элбээбитин бэлиэтээн туран, саҥа күүстээх томограф кэлиитэ бырабыыталыстыба уонна Ил Дархан доруобуйа харыстабылын салаатын сайыннарыыга сүрүн политикатынан буоларын уонна Уһук Илиҥҥэ соҕотох томограф Саха сиригэр баар буолбута киэн туттууну үөскэтэрин тоһоҕолоон эттэ.

Арман Воскерчян өрөспүүбүлүкэҕэ МРТ эбиллэн, элбэх киһи көрдөрүнэр кыахтанарын сэргэ урукку аппарааттарга кыайан көрүллүбэт ыарыылар быһаарыллар буолуохтарын эттэ, бииргэ үлэлиир улахан чиэскэ тиксибит үөрүүтүн үллэһиннэ.

photoByWidth&id=41115&width=1000

Лучевой диагностика отделын сэбиэдиссэйэ Николай Лугинов томограф туһунан слайды билиһиннэрдэ.

Саҥа томограф – Philips Ingenia фирма биир инновационнай технологията уонна МР-сканердар ортолоругар инники күөҥҥэ сылдьар. 2013 с. Чикагоҕа буолбут медицинскэй техника бүтүн аан дойдутааҕы быыстапкатыгар үс теслалаах томограф МРТ аппарааттарга биир бастыҥынан билиниллибитэ. Бу аппараат баралыыһы уонна бу ыарыы содулларын сэрэтэргэ, искэн метастаһын чопчулуурга уо.д.а. көмөлөөх.

Аан дойдуга аатырбыт технологияны биһиги быраастарбыт баһылааһыннара доруобуйа харыстабылын саҥа хаачыстыбалаах таһымҥа таһаарыаҕа.

При частичном или полном использовании материалов гиперссылка на сайт ysia.ru обязательна.
Категория: Общество Просмотров: 974 Источник: ЯСИА Автор: Надежда Егорова Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ