- «Хаҥалас улууһа» МО ОДьКХ саҥардыы фондун судаарыстыбаннай бырагыраамаларыгар 2008 сылтан кыттар. 2008 сылтан 2011 сылга диэри «Элбэх квартиралаах дьиэлэри төрдүттэн өрөмүөннээһин» хайысханан 113 дьиэ хабыллан 5000 тахса киһи олорор усулуобуйатын тупсарбыта. Бырагыраамаҕа аҕыс муниципальнай тэриллии: Покровскай куорат, Мохсоҕоллоох бөһүөлэгэ, Бэстээх, Хачыкаат, Өктөм, Ой, Булгунньахтаах, Тиит Арыы сэлиэнньэлэр кыттыбыттара.
Хаарбах, саахалланар туруктаах дьиэлэртэн дьону көһөрүү бырагырааманан улууска 2009 сылтан 578 киһи хабылынна.
- ОДьКХ саҥардыы фондун генеральнай директора Константин Цицин «Хаҥалас улууһа» МО баһылыга Гаврил Алексеевы, СӨ бырабыыталыстыбатын бэрэссэдээтэлин солбуйааччы Игорь Никифоровы кытта саҥа дьиэни үөрүүлээхтик арыйыыга кытынна. Константин Цицин аны биир сылынан бөһүөлэккэ саахалланар туруктаах дьиэ суох буолуоҕар эрэнэрин биллэрдэ. Кини: «Быйыл Россияҕа саахалланар туруктаах дьиэттэн босхоломмут бастакы куорат — Кемерево – баар буолла. Оттон 2017 сылга оннук нэһилиэнньэлээх пуунунан эһиги буолуоххут», - диэн бэлиэтээтэ.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети