ХНТ 2012 с. биллэрбит күнүн сүрүн соругунан аан дойдуга кыргыттар социальнай кыһалҕаларыгар уонна тэҥэ суох балаһыанньаларыгар болҕомтону ууруу буолар.
Обургу саастаах кыргыттар улаатан истэхтэрин аайы куттала суох эйгэҕэ сылдьыахтаахтар, үөрэхтээх, доруобай буоларга дьулуһуохтаахтар Улаатар, ситэр-хотор кэмнэригэр көдьүүстээх өйөбүл баар буоллаҕына, кыргыттар баар кыахтарын барытын туһаныахтарын, ийэ, араас идэлээх үлэһит буолан, аан дойдуну үчүгэй өттүгэр уларытыахтарын сөп.
Алтынньы 6-16 күннэригэр Дьокуускайга эмп уонна үөрэх тэрилтэлэригэр кыргыттарга оҕону түһэттэрии буортутун, эрдэ оҕолонууну сэрэтии, эр киһи уонна дьахтар сылдьыһыыларыттан үөскүүр сыстыганнаах ыарыылар, кыыс оҕо гигиенатын туһунан лекциялар, сырдатар-быһаарар хайысхалаах дьаһаллар ыытыллыахтара.
Алтынньы 15 күнүгэр «Обургу оҕо хат буолуута – социальнай кыһалҕа» тиэмэҕэ «төгүрүк остуол» ыытыллыаҕа. Дьүүллэһиигэ куорат үөрэҕин управлениета уонна куорат оскуолаларын төрөппүттэрин кэмитиэттэрин бэрэстэбиитэллэрэ кыттыахтара.
Комментарии
Авторизация на сайте через социальные сети