ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
5 ноября 2015, 11:33

Ньурба олохтоохторо географическай диктаҥҥа көхтөөхтүк кытыннылар


Сэтинньи 1 күнүгэр Нуучча географическай уопсастыбатын 170 сылыгар анаммыт аан бастакы "Бүтүн Арассыыйатааҕы географическай диктант" үөрэтэр акция дойду бары регионнарыгар ыытылынна.

Ньурба улууһугар Бүтүн Арассыыйатааҕы диктаны аҕыс тирэх пууннарга:  Ньурба 2 №-дээх, Àнтоновка, Маалыкай, Марха, Хорула, Чуукаар, Онолдьо, Күндээдэ оскуолаларыгар үөрэнээччилэр, учууталлар, төрөппүттэр уонна баҕалаах дьон суруйдулар. Акцияҕа барыта 348 киһи кытынна: 150 учуутал, 125 үөрэнээччи уонна 73 уопсастыбаннас бэрэстэбиитэллэрэ.

photoByWidth&id=48733&width=1000

Диктаҥҥа ордук көхтөөхтүк Чуукаар олохтоохторо кытыннылар, атыттарга үксүн оскуола учууталлара, үөрэнээччилэрэ кэллилэр. Куорат тирэх пуунугар, 2 №-дээх оскуолаҕа, саамай элбэх кыттааччы бэлиэтэннэ - 118 киһи. Нэһилиэктэргэ, ортотунан, 30-50-нуу киһи кытынна.   Модератордарынан география учууталлара буоллулар.

photoByWidth&id=48734&width=1000

        Бу күн Ньурба олохтоохторо кыралыын-улаханныын оскуола паартатыгар кэккэлэһэ олорон,  дойдуларын төһө билэллэрин тургуттулар. Географияҕа сыһыаннаах акция бу уобаласка үөрэхтээһин таһымын билэргэ көмөлөһүөхтээх уонна түмүктэринэн көрөн, географическай үөрэхтээһин оскуолатааҕы бырагырааматыгар уларыйыылар киирэллэрэ сабаҕаланар.

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 842 Источник: ЯСИА Автор: Раиса Никифорова Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ