- Ыһыах буолар сиригэр, оройуон тутууга салаатын начальнига Айсен Данилов этэринэн, улахан трибуна, улуус баһылыгын ураһата, 15 хорчуопка, сценалар, 9 нэһилиэк ураһатыттан аҥара тутуллан бүппүттэрэ. Хаалбыта уонна 2 улахан душ ситэриллэр.
- Оройуон ыччаты кытта үлэҕэ специалиһа Айаал Винокуров маннык кэпсиир:
- - 25 улуус кэлэрин биллэрдэ. Саамай улахан делегация Хаҥаластан кэлэр, 48 киһи. Мирнэйтэн 7 киһи кэлэр. Хоту улуустартан Булуҥ, Кэбээйи, Эбээн-Бытантай, Анаабыр уо.д.а. ыччаттара кэлэллэр. Ыалларбыт өймөкөөннөр 27 киһини ыыталлар.
- Ыһыахха анаан Томпо улууһун биллэр дьонун кэпсиир 10 баннер, маны таһынан буклет сакаастаммыта. Урбаанньыттар сувенирдары бэлэмнииллэр.
- Томпо оройуонун делегациятыгар 30 тахса ыччат киирэр. 12 куонкуруска барытыгар кытталлар. Хотугу улуустарга бастыыр сорук турар.
- Делегациялары улуус тэрилтэлэрэ уонна муниципальнай тэриллиилэрэ көрсөргө бэлэмнэнэллэр.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети