- Манна Үөдэй, Сиинэ, Улахан Аан, Булгунньахтаах, Күөрдэм, Хачыкаат, Нөмүгү уонна Покровскай үстүү киһилээх хамаандалара күрэстэстилэр.
- ОДьКХ Хаҥаластааҕы филиалын салалтата (дириэктэр А.С.Захаров) үлэһиттэр сынньалаҥнарын туһалаахтыкатааралларыгар араас тэрээһиннэри өрүүтүн ыытар. Күрэхтэһии кылаабынай судьуйата Андрей Степанович санаатын үллэстэн:
- - Тэрилтэбитигэр талааннаах спортсменнар элбэхтэр. Кинилэр этиилэрин өйөөммүт бу бастакы күрэхтэһиибитин тэрийдибит. Инникитин үтүө үгэскэ кубулутан, салгыы ыытар былааннаахпыт, - диэтэ.
- Күрэхтэһиигэ анаан тэрилтэ 10 саахымат, 10 дуобат дуоскаларын уонна 10 бу оонньууларга аналлаах чаһы атыыласпыт. Дьон олус үөрэн-көтөн туран кытынна.
- II Дьөппөн нэһилиэгин хочуолунайын хачыгаара, күрэхтэһии кылаабынай сэкирэтээрэ Роман Васильев:
- - Дириэктэрбит көҕүлээһинин өйөөн «Дириэктэр кубога » диэн күрэхтэһии ыыттыбыт. Үлэһиттэрбит саамай сөбүлээн оонньуур көрүҥнэрин - саахыматы, дуобаты, баарыһы, уксааны уонна остуол тенниһин киллэрэн, «САДУОБАУКТЕ» диэн ааттаатыбыт. Көһөрүллэ сылдьар кубок кыайыылаах хамаандаҕа туттарыллыаҕа.
- Кыһыммыт саамай кылгас күнүгэр тэриллибит күрэс сарсыарда 10 чаастан саҕаланан баран, киэһэ 10-ҥа түмүктэннэ. Түмүккэ Күөрдэм (Васильев Р.Н., Стручков А.А., Никитин И.И.) хамаандата кыайыылааҕынан тахсан «Дириэктэр кубогын » бастакы хаһаайынынан буолла. Нөмүгү (Корякин К.Н., Новиков А.В., Петров П.С.) уонна Булгунньахтаах (Алексеев А.А., Михайлов А.К.,Соломонов С.С.) хамаандаларабириистээх миэстэлэри ыллылар. Үс кыайыылаах хамаанда, ону сэргэ биэс көрүҥҥэ миэстэлэспиттэр бары грамота ылан, мэтээл иилинэн, харчынан бириэмийэ тутан үөрэн-көтөн тарҕастылар.
2016 сылга «САДУОБАУКТЕ» күрэхтэһиигэ кыттааччы ахсаана элбиирэ сабаҕаланар.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети