- Теплай Ключка былырыыҥҥыттан Аллараа Бэстээххэ базаланар «Мегинские автомагистрали» хааччахтаммыт эппиэтинэстээх тэрилтэ «Халыма" суолга үлэни саҕалаабыта.
- Барыта 60 тыһ. тахса кубометр буору куппуттар, үс 1,5 м диаметрдаах уу аһардар тимир турбалары уурбуттар. 5300 м уһуннаах уулуссаны 12 см халыҥнаах аспаалынан бүрүйэ, 2700 м уһуннаах уу ааһар тимир лиис лотуоктары, тротуар оҥоро, 4 автобус тохтобулун тута сылдьаллар. Өссө лаампалардаах остуолбалары туруоруохтаахтар.
- Манна анаан биир оператор, 3-4 оробуочай үлэлиир көһөрүллэ сылдьар аспаал собуотун аҕалбыттар. Маны таһынан иккилии экскаватор, улахан бульдозер, грейдер, биэс каток, самосваллар уо.да. баар. 40 киһилээх биригээдэҕэ инженернэй-техническэй үлэһиттэр, суоппардар, оробуочайдар уо.д.а. бааллар.
- Суол остуол ньуурунааҕар көнө буолбут, онон айан сыыдамсыйбыт. Маныаха олохтоохтор уонна ааһар айанньыттар суол быраабылатын тутуһаллара хайаан да ирдэнэр.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети