ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
23 июля 2015, 10:33

Аммаҕа ойуур баһаардара бэлиэтэннилэр


От ыйын 18 күнүгэр Лээгигэ Түллүгү диэн сиргэ ойуур баһаара турбута бэлиэтэммитэ. Баһаары «Авиалесоохрана» үлэһиттэрэ самолетунан кэтээн көтүү кэмигэр буллулар.

Сайыҥҥы кэмҥэ авиация үлэһиттэрэ, халлаан туругуттан көрөн, күннэтэ самолетунан 4-туу чаас көтүүнү оҥороллор. Кинилэр Амма, Чурапчы, Таатта улуустарын сирин-уотун, Уус-Маайа сорох учаастагын кэтээн көрөллөр. Баһаар тахсар тубэлтэтигэр тута парашютунан ыстанан, умулларыыга хаалаллар. Аммаҕа Волгоградтааҕы „Регион АВИА“ компания экипаһа тендеры кыайан үһүс сылын үлэлиир. Ыам ыйыттан саҕалаан бэйэтин АН-2 самолетунан ойууру кэтээн көрүүнү ыытар.

Бу күннэргэ Өнтө хайатыгар, Милэ үрэххэ этиҥнээх ардахтан ойуур баһаардара турдулар. Билигин бу үс баһаартан иккитин умуллардылар. Өнтө хайатыгар баар уоту умулларыыга «Авиалесоохрана», „Центрлес“ ГАУ үлэһиттэрэ үлэлииллэр.

Бу сааскыттан нэһилиэнньэҕэ ойуур баһаарын сэрэтиигэ үлэ күүскэ барар. Соторутааҕыта Аммаҕа киириигэ ГИБДД сотрудниктара, Амматааҕы ойуур хаһаайыстыбатын үлэһиттэрэ анал акция тэрийэн листовкалары тарҕаттыллар. Аммаҕа ыалдьыттыы, дьэдьэннии кэлбиттэргэ, отчуттарга туһаайан уоттан сэрэхтээх буоларга ыҥырдылар.

2011 сыллаахха буолбут улахан баһаардар хатыламматтарын инниттэн, мантан сайын айылҕабытын харыстаан, уоту ыыппакка сэрэхтээхтик сылдьарбыт ирдэнэр.

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 760 Источник: ЯСИА Автор: Лия СТАНИСЛАВСКАЯ Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ