Бу туһунан биһиэхэ оҕону эбии үөрэхтээһин улуустааҕы киинин директора Александра Колесова кэпсээтэ. Кини быйылгы күрэстэһиигэ 44 бырайыак киллэриллибитин эттэ.
- Куонкурус түмүгүнэн, «Стендовый моделизм» куруһуок уонна эдэр техниктар станцияларын иитиллээччилэрэ (салайааччы Р. Капитонов) «Курская дуга, станция Поныри». Подарок в Дому ветеранов» диораманан, «Начальное техмоделирование» эдэр техниктар станциялара (салайааччы Л. Никанорова) «Бердигестях в прошлом столетии» бырайыагынан, «По стопам предков» спортивнай-туристическай слет бырайыагынан Кэптин оскуолатын «БЭМС» оҕо түмсүүтэ (салайааччы А.Григорьева), «Универсальная площадка как средство развития физических качеств юношей посредством занятий «Воркаутом» бырайыагынан Софрон Данилов аатынан Дьиикимдэ орто оскуолата (Константин Осипов, салайааччы С. Константинов), С.Тимофеев-Кустуктаанап аатынан Маҕаны оскуолатын «ИСКРА» оҕо түмсүүтэ (салайааччы А.Александров), С.Данилов аатынан Бэрдьигэстээх орто оскуолатын «Түмэн» түмсүүтэ (салайааччы А.Бережнова), Күөрэлээх оскуолата (Игорь Иванов, салайааччы Л.Аввакумова, Е.Жиркова), «Кедр» оҕо общественнай тэрилтэтэ «Саха олоҥхотуттан задачаларынан» (салайааччы Н.Парфенова, С.Кузьмина), Маҕарас оскуолатыттан «Эрэл» түмсүү (салайааччы Н.Петрова) граннарга тиксэн улаханнык үөрдүлэр, -- диир Александра Михайловна.
Үлэлэри дьүүллүүр сүбэҕэ киирэн улуус баһылыгын социальнай боппуруостарга солбуйааччы В.Спиридонов, үөрэх управлениетын начальнигын солбуйааччы М.Михайлов, ыччат управлениетын исписэлииһэ А.Румянцева, улуус дьаһалтатын үпкэ, экономикаҕа управлениетын начальнига В.Кононов, о.д.а. сыаналаатылар. Кинилэр куонкурус кыттыылаахтарыгар бу курдук социальнай суолталаах, дьоҥҥо-сэргэҕэ туһалаах үлэлэрин салгыы кэҥэтэн иһэллэригэр баҕардылар.
Комментарии
Авторизация на сайте через социальные сети