ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
17 декабря 2015, 15:49

Сырдыкка-кэрэҕэ уһуйбут учууталлар үтүө ааттарын үйэтитэн


Академик Владимир Ларионов аатынан Майа орто оскуолата төрүттэммитэ 105 сылын көрсө кэрэ-бэлиэ түгэни бэлэмниир.

Ахсынньы 19 күнүгэр, үбүлүөйдээх тэрээһиннэр чэрчилэринэн, үүнэр көлүөнэни иитиигэ-үөрэтиигэ бэйэлэрин айымньылаах үлэлэрин, бүтүн олохторун анаабыт ытыктабыллаах учууталларбыт үтүө ааттарын үөрэнэр кабинеттарга иҥэрии үөрүүлээх түгэнэбуолуоҕа.

Мантан ыла Майа орто оскуолатыгар СР үөрэҕириитин туйгуна, «Саха-Азия» фонда стипендиата Татьяна Афанасьевна Шарина (1938-2011), САССР уонна РСФСР үтүөлээх учуутала, «Бочуот знага» орден кавалера Василий Семенович Игнатьев (1907 – 1974), норуот үөрэҕириитин туйгуна, «Килбиэннээх үлэ иһин. В.И. Ленин төрөөбүтэ 100 сылын бэлиэтээһининэн» мэтээл хаһаайына, Мэҥэ- Хаҥалас улууһун Бочуоттаах гражданина Густав Давыдович Сосин (1931-2003), ССРС уонна РСФСР норуотун үөрэҕириитин туйгуна Петр Николаевич Степанов (1928 -1996), РСФСР үтүөлээх учуутала, Октябрьскай Революция уордьан кавалера Вера Семеновна Заровняева (1918-1996), РСФСР үтүөлээх учуутала, Үлэ Кыһыл Знамятын уордьан кавалердара, РСФСР норуотун үөрэҕириитин туйгуна Матрена Петровна Дьяконова (1923-1982), Аҕа дойду Улуу сэриитин бэтэрээнэ, РСФСР норуотун үөрэҕириитин туйгуна, Мэҥэ Хаҥалас улууһун Бочуоттаах гражданина Михаил Гаврильевич Громов (1926-2001), РСФСР норуотун үөрэҕириитин туйгуна Ларион Степанович Ларионов (1947-1996), САССР үтүөлээх учуутала, «Бочуот Знага» уордьан кавалера, ССРС уонна РСФСР норуотун үөрэҕириитин туйгуна Семен Семенович Платонов (1929-1982), РСФСР норуотун үөрэҕириитин туйгуна, Майа сэлиэнньэтин Бочуоттаах гражданина Гаврил Афанасьевич Герасимов (1927-2009), ССРС уонна РСФСР норуотун үөрэҕириитин туйгуна, методист-учуутал Василий Павлович Васильев (1935-1992), педагогическай үлэ ветерана, 1965-1984 сылларга оскуола библиотекара Прасковья Алексеевна Иванова (1934-2012) ааттарын сүгэр үөрэнэр кабинеттар баар буолуохтара, үүнэр көлүөнэни сырдыкка, билиигэ сирдэһиэхтэрэ.

Аҕа уонна орто көлүөнэ выпускниктар чэмэлкэй күннээх оҕо саастарын арахсыспат аргыстарын, истиҥ махталынан ахтар ытык-мааны дьоннорун, билиини эрэ буолбакка киһи киһитэ буоларга уһуйан-такайан бүгүҥҥү күнү бииргэ түстэһэр Учууталлар үтүө ааттарын үөрэнэр кабинеттарга иҥэрии Майа оскуолатын педагогическай коллективын, үөрэнээччилэри, төрөппүттэри саҥа үрдэллэри дабайарга биир ньыгыл оҥоруоҕа, көлүөнэ быстыспат ситимин туоһутунан буолуоҕа.

При частичном или полном использовании материалов гиперссылка на сайт ysia.ru обязательна.
Категория: Общество Просмотров: 622 Источник: ЯСИА Автор: СИА Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ