«Быыстапкаҕа барыта 150 ювелирнай компания кыттыбыта. Кинилэр брилиант, изумруд, сапфир курдук күндү таастардаах симэхтэри көрдөрбүттэрэ. Сорох киэргэл сыаната 12 мөл.солк. диэри тиийэрэ. Россия ювелирнай салаатын үтүөлээх үлэһиттэрэ бастыҥ үлэлэри сыаналаатылар. Сахалыы илин кэбиһэр историята, дириҥ суолтата оҥоһугу өссө киэргэттэ», - диэн СИА-ҕа кэпсээтэ «Киэргэ» ювелирнай фирма арт-директора Станислав Степанов.
«Киэргэ» фирма дириэктэрэ Галина Павлова илин кэбиһэр историятын, туохха ананарын кэпсээтэ. Илин кэбиһэр – бу саха дьахтарын үөрүүтэ, дьолун сороҕо, сырдык курутуйуута. Бу киэргэли кытта саха норуотун историята бүүс-бүтүннүү ыкса ситимнээх», - диир Станислав Степанов.
Кини бу бүтүн Саха сирин ювелирдарын ситиһиитэ буоларын чиҥэтэн эттэ. От ыйын 22 күнүгэр “Киэргэ” 22 сылын туолар. Улахан таһымнаах күрэстэһиигэ кыайыы бэлиэ күҥҥэ дьоһун бэлэх буолар.
Комментарии
Авторизация на сайте через социальные сети