"Форум кэмигэр Кытайдааҕы партнердарбытыгар ураты болҕомтобутун уурдубут. Биһиги Хэйлунцзян провинция салайааччытын тойон Лу Хаоны кытта көрүстүбүт. Ыкса ситимнээхтик үлэлииргэ этиибитин кини өйөөтө ", - диэтэ Егор Борисов.
Хэйлунцзян провинциятын норуоттар икки ардыларынааҕы "Северный форум" тэрилтэҕэ киллэрэр туһунан этиигэ бу провинция салалтата сөбүлэспит. "Ону таһынан Кытай өрөспүүбүлүкэтэ Арктиканы чинчийэргэ, сайыннарарга быһаччы кыттар интэриэстээҕин биллэрдэ",- диэтэ кини.
Бастакы илиҥҥи экономическай форум балаҕан ыйын 3-5 күннэригэр Владивосток куоракка буолан ааста. Онно Россия президенэ Владимир Путин, бырабыыталыстыба чилиэннэрэ, Россия, КНР, Соҕуруу Корея бөдөҥ бизнеһин бэрэстэбиитэллэрэ уо.д.а. кытыннылар. Саха сирэ бу форумҥа уопсайа 19 инвестиционнай бырайыактарынан кытынна. Саммит чэрчитинэн бырабыыталыстыба, федеральнай структуралар, тэрилтэлэр таһымнарыгар 13 сөбүлэһии түһэрсилиннэ.
Комментарии
Авторизация на сайте через социальные сети