Нэһилиэнньэни социальнай хааччыйыы управлениета (Ленин уул. 4/1) уонна Дьокуускай к. пенсия фондатын управлениета (Орджоникидзе уул. 23) атырдьах ыйын 1 күнүгэр «аһаҕас аан күннэрин» тэрийиэхтэрэ.
Алтынньы устата Аҕа дойду Улуу сэриитин кыттыылаахтарыгар, тыыл бэтэрээннэригэр анаан, өрөспүүбүлүкэ итиэннэ куорат хаһыаттарыгар 2016 сыл бастакы аҥарыгар чэпчэтиилээх сурутуу тэриллиэҕэ. Дьиэҕэ социальнай хааччыйыы учуотугар турар соҕотох олорор кырдьаҕастар уонна Аҕа дойду Улуу сэриитин кыттыылаахтара тыа хаһаайыстыбатын бородууксуйатынан хааччыллыахтара.
Социальнай-култуурунай дьаһаллар аҕыйаҕа суохтар. Ол курдук, эдэрчи биэнсийэлээхтэр «Үлэ бэтэрээнэ» дастабырыанньаны үөрүүлээх быһыыга-майгыга тутуохтара. Куорат айар кэлэктииптэрэ «Ис сүрэхтэн...» диэн иһирэх ааттаах кэнсиэр бырагырааматынан Дьокуускайдааҕы, Капитоновкатааҕы интернат-дьиэлэргэ ыалдьыттыахтара. РФ Президенин тус эҕэрдэтэ 90 саастарын аһарбыт уһун үйэлээхтэргэ туттарыллыаҕа. Аҕам саастаах дьон оскуола үөрэнээччилэрин уонна ыччаты кытта көрсөн, үлэҕэ, олоххо үөрүйэхтэрин үллэстиэхтэрэ. «Сэрии сылларын оҕолоро» кинигэ 2 чааһа сүрэхтэниэҕэ. Алтынньы 1 күнүгэр күнүс 3 чаастан Өксөкүлээх Өлөксөй аатынан Культура киинигэр «Көмүс сааһы айхаллыыбыт» бырааһынньыктааҕы кэнсиэр буолуоҕа.
Комментарии
Авторизация на сайте через социальные сети