Саша кыра сааһыттан «Орончикан» оҕо үҥкүү ансаамбылыгар дьаныардаахтык дьарыктаммыта, спортивнай секцияларга эт-хаан өттүнэн эрчиллибитэ, кэрэҕэ-сырдыкка уһуйуллубута. 2014 сыллаахха «Мисс Арктики» кыттан, «Мисс Якутия» күрэскэ кыттарга путевка ылбыта. Бу кэмтэн, кини өй-санаа, быһыы-майгы, эт-хаан өттүнэн ситэн-хотон, алмаас таастыы чочуллан республикатааҕы түһүлгэҕэ дьаныардаах үлэтин, түбүктээх сыратын үтүө түмүктэрин көрдөрдө.
Бу үөрүүлээх түгэнинэн туһанан барҕа махтал тылбытын аныыбыт «Өлөөн эбэҥки национальнай оройуона» МО аҕа баһылыгар А.С. Ивановка, Өлөөн оройуонун культураҕа управлениетын начальнигар Н.П. Николаеваҕа уонна биһигинниин бииргэ ыалдьыбыт, күүс-көмө, өйөбүл буолбут Өлөөммүт бары олохтоохторугар! Өлөөммүт эдэр ыччата сайдарыгар сылайбакка сыралаһыҥ, Аламай күммүт сылааһынан алгыспытын аныыбыт, Өлөөммүт чэбдик салгынынан махталбытын этэбит! Чэгиэн-чэбдик доруобуйаны, баай-талым олоҕу эһиэхэ баҕарабыт.
Саша төрөппүттэрэ Татьяна, Никифор Павловтар,
эбэтэ Александра, эһэтэ Иван Михайловтар дьиэ кэргэттэрэ.
Комментарии
Авторизация на сайте через социальные сети