ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
3 августа 2015, 14:46

Сунтаар улууһун баһылыга өрүс уҥуоргу нэһилиэктэр отчуттарыгар сырытта


Бу күннэргэ Сунтаар улууһун баһылыга А.В.Григорьев оттооһун хаамыытын миэстэтигэр билсэ өрүс уҥуоргу нэһилиэктэргэ сырытта.

photoByWidth&id=41062&width=1000

Түбэй-Дьаархан нэһилиэк баһылыга Е.И. Григорьевы көрсөн, оттооһун хайдах баран иһэрин, аһыҥаттан эмтээһин төһө көдьүүстээҕин билистибит. Арыылаах сыһыытыгар отчуттары кытта көрсөн туох этиилээхтэрин иһиттибит.

«Түбэй-Дьаархан» ТХПК салайааччыта М.П.Комин хайдах оттооһун хаамыытын билиһиннэрдэ. Бу хаһаайыстыба оттообута үһүс күнэ буолбут. Ардахха баттатан, саҥа охсон, мунньан эрэллэригэр түбэстибит. Былырыын 200 т отунан кыстаабыттар. Оттон быйылгы былааннара 240 т.

Салгыы кэтэх отчуттарга сырыттыбыт. Кинилэр улуус баһылыгар Н-80 уматыкка наадыйалларын эттилэр.

photoByWidth&id=41065&width=1000

Күүкэй нэһилиэгэр «Күүкэй» ТХПК салайааччыта Д.П.Федоров специалистарыгар толору хааччыллыылаах уопсай дьиэни туттара сылдьар. Дьиэ аҥаара хонтуора буолуохтаах. Маны сэргэ 100 төбөҕө анаан икки хотону туталлар.

Күүкэйдэр окко техниканы күүскэ туһаналлар. Кээһэллэрэ кытары техника. Биир Беларус тыраахтырга бэйэ оҥорбут хомуоһунан хомуйан кээстэрэллэр эбит. Бугуллара киһини үс гыммыт саҕа улахаттар, ону ылан көтөхтөрөн уурталыыр. От мунньар техникалара эмиэ бэйэ оҥоһуута - үс көлүөһэлээх мотоцикл, онон состорон мунньаллар эбит.

photoByWidth&id=41063&width=1000

Эльгээйигэ 100 төбөҕө хотон тутуутун саҕалаабыттар. Онно үлэһиттэри кытта көрсөн, тутуу хаамыытын билистибит.

Элгээйигэ III Бордоҥҥо тиийэ сырыттыбыт. Манна олох былыргы катер иннинэн-кэннинэн буруолаан баржаны үтэн өрүһү туоратар. Баһылык Анатолий Васильевич бу маны көрөн, саҥа катер ыларга үлэлэһэр санаалааҕын эттэ. Ол туораан «Элгээйи» бааһынай хаһаайыстыба салайааччыта Василий Львову көрүстүбүт. Хаһаайыстыба 70 ынаҕын, 172 сылгытын 350 т отунан кыстатар.

photoByWidth&id=41064&width=1000

Василий Михайловичка арыаллатан, шлюз-регуляторы баран көрдүбүт. Бу 1981 сыллаах тутуу. Бүтэһигин 2010 сыллаахха капитальнайдык өрөмүөннэммит, билигин даҕаны үлэлии турар.

Салгыы 1000-ча бугулу кээһэ сылдьар  Валерий Ивановка сырыттыбыт. Кини от үүнүүтэ быйыл үчүгэйин бэлиэтээн эттэ.

  Отчуттар улуус салайааччыта кэлэн көрсөн, кэпсэппититтэн астыммыттарын биллэрдилэр. Үрдүк сололоох дьон бачча ыраах тахса иликтэрин эттилэр уонна суол өрөмүөнүн туруорустулар. Улуус аҕа баһылыга А.В.Григорьев итиннэ үлэлэһиэн сөбүн эттэ. 

Тимур ИВАНОВ, улуус баһылыгын көмөлөһөөччүтэ.

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 961 Источник: ЯСИА Автор: СИА Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ