ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
30 ноября 2015, 15:29

Хаҥаласка өбүгэ үгэһин тарҕатар общественнай түмсүүлэри кытта көрсүһүү буолла


Сэтинньи 26 күнүгэр Хаҥалас улууһун дьаһалтатыгар «Өбүгэ үгэһин утумнааһын – ыччаты сиэрдээх майгыга уһуйуу» диэн ааттаан өбүгэ үгэһинэн дьарыктанар общественнай түмсүүлэри кытта көрсүһүү буолла.

photoByWidth&id=50701&width=1000

Онно Төхтүр нэһилиэгин баһылыга Ефимов Н.Н., Өктөм нэһилиэгин баһылыгын солбуйааччы Исаков П.Х., Хаҥалас улууһун депутаттарын бэрэссэдээтэлэ Протодьяконов Б.П., култуура управлениетын салайааччы Громова С.В., Арчы Дьиэтин үлэһиттэрэ Охлопкова А.Е., Харитонова Л.В., Ющенко Д.Д., тыа хаһаайыстыбатын департаменын салайааччылара Андреев С.С., Иванов В.И., эдэр ыччат түмсүүтүттэн Федоров А.В., улуус кылаабынай архитектора Борисов В.А., суол фондатын сүрүннүүр специалиһа Иванов Е.Д., административнай хамыыһыйа сэкирэтээрэ Пудова А.О., үп кэмитиэтин бэрэссэдээтэлэ Лебедев Н.Л. уо. д.а. кыттыыны ыллылар.

Тэрээһиҥҥэ «Өркөн» айылгы түһүлгэтин салайааччы Друзьянов Александр Афанасьевич, «Кистэлэҥ күүс» сурунаал кылаабынай редактора Платонова Марина Спиридоновна, Ньурба Хаҥалаһыттан “Сата” ытык сир тэрилтэ салайааччыта, алгысчыт Петров Александр Кузьмич, “Алгыс” тэрилтэ салайааччыта Заболоцкай Владимир Афанасьевич, Өймөкөөн улууһуттан «Чысхаан» турфирма салайааччыта Сивцев Семен Семенович – Чысхаан тэрээһин ыҥырыылаах ыалдьыттарынан буоллулар.

Санаа үллэстии түмүгэр нэһилиэктэргэ Арчы Дьиэлэрин тутуу инникитин ыччаты сиэр-майгы өттүнэн иитиигэ, өбүгэбит үтүө үгэстэрин  үөрэтиигэ, сүҥкэн улахан кылааты киллэриигэ  төһүү күүс буолуоҕун бэлиэтээтилэр. Саха итэҕэлин оҕо уһуйааннарыттан саҕалыырга, туспа программа оҥорон үөрэттэххэ эрэ оҕо ис туруга  сайдыаҕын, бэлэмнээх буолуоҕун, оскуолаларга төрүт культура уруоктарын чаастарын эбэн, психологтары кытыннаран,  устудьуоннарга эмиэ сырдатыы үлэ барыахтааҕын эттилэр Александр Друзьянов уол оҕону  иитиигэ сүрүн болҕомто ууруллуохтааҕын ыйда. Оҕону кыра эрдэҕиттэн ииттэххэ, оҕо ис туруга уһуктан сайдар диэн, айылгылаах дьоммут санааларын эттилэр. Арчы Дьиэтин сэбиэдиссэйэ Охлопкова А.Е., Арчы Дьиэлэрин үлэһиттэрэ «Ытык сүбэ» түмсүү тэрилтэтин кытта, сөбүлэҥ түһэрсэн,  туспа концепция ылынан, ол хайысханан  үлэлээтэхпитинэ, былааннаах үлэбит үтүө түмүктэрдээх буолуо этэ диэн бэлиэтээтэ.

photoByWidth&id=50702&width=1000

Көрсүһүү кыттыылаахтара оҕолорго итэҕэлгэ сыһыаннаах лааҕырдары арыйан үлэлэтиэххэ, атын омуктар үтүө холобурдарыгар үөрэниэххэ, Арчы Дьиэтин көрү-нары ыытар дьиэ оҥостумуохха, айылҕаттан айдарыылаах дьону түмэн, семинардары, конференциялары тэрийиэххэ диэтилэр, дьиэ кэргэҥҥэ аналлаах сиэр-туом ыытыллар дьиэтэ буолуохтааҕын ыйдылар. Ол курдук, Төхтүргэ дьон-сэргэ көмөтүнэн саҥа Арчы Дьиэтэ тутуллан үлэҕэ киириэхтээҕин туһунан нэһилиэк баһылыга Ефимов Н.Н. үөрүүтүн үллэһиннэ. Булгунньахтаахтар бэйэлэрин кыахтарынан эмиэ саҥа Арчы Дьиэтин тута сылдьалларын иһитиннэрдилэр. Ити курдук, биһиги улууспутугар Арчы Дьиэлэрин тутуу нэһилиэктэринэн ыытылларын, саха дьоно итэҕэлгэ сыстан эрэрин сэргии иһиттибит. Бу күн түмсүү кыттыылаахтара Булгунньахтаахха сырыттылар.

При частичном или полном использовании материалов гиперссылка на сайт ysia.ru обязательна.
Категория: Культура Просмотров: 625 Источник: ЯСИА Автор: Лидия Харитонова Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ