Үөрүүлээх тэрээһиҥҥэ үгүс киһи сырытта, атыы эгэлгэтин көрдө-биллэ, бэйэ оҥоһук халбаһытын боруобалаата, сыаналаата. Бу күн алгыс тыл ананна, үтүө тыл этилиннэ. Сүүрбэ бастакы ыалдьыкка бэлэх туттарылынна.
«Мясной двор» эт бородууксуйатын маҕаһыына Дьокуускайга 1998 сыллаахха тэриллибитэ. Онтон халбаһыны оҥорор сыах арыллыбыта. Салайааччыларынан Тааттаттан төрүттээх, спортиҥҥа аан дойду чемпиона, Бүлүүчээн нэһилиэгин күтүөтэ А.Г. Макаров, Сиэйэ нэһилиэгин күтүөтэ С.И. Петров, ини-бии Дь.Г. Бястинов уонна Нь.Г. Бястинов буолаллар.
Хаартыскаҕа: (хаҥастан уҥа) Дьулустаан Бястинов, Спартак Петров
Тэрээһин кэмигэр тэрилтэ биир бас-көс киһитэ Дьулустаан Бястиновы кытары кэпсэттибит:
– Тэрилтэбит Ньурбаҕа, Бүлүүгэ уонна Дьокуускай куоракка маҕаһыыннардааах. Бородууксуйабыт барыта бэйэбит киэнэ. Тэрилтэбит иһинэн «Түмэн» уонна «Үрдэл» кооперативтар үлэлииллэр. Манна натуральнай, үрдүк хаачыстыбалаах халбаһы оҥорон таһаарабыт. Бу халбаһыны бүгүн ыалдьыттар боруобалаатылар. Эппит, аспыт-үөлбүт барыта Тааттаттан, Чурапчыттан кэлэр. Ынах, убаһа, сибиинньэ этэ баар, таба этэ кэлиэхтээх, фарш, бэйэ оҥоһук халбаһы, пельмень, о.д.а. бородууксуйалар атыыга бааллар. «Сунтаар-Ас» тэрилтэни кытта үлэни саҕалаатыбыт. Инникитин кооперативтары кытары эмиэ үлэлэһэр былааннаахпыт. Хаачыстыбалаах бэйэ оҥоһук бородууксуйатын саха дьонугар-сэргэтигэр тарҕатар баҕалаах үлэлиибит.
Комментарии
Авторизация на сайте через социальные сети