Оҕо күүтэр дьахтары
Ийэ буолаары сылдьар дьахталлар үлэлиир тэрилтэлэрэ суох оҥоһулуннаҕына эрэ, үлэтэ суох хаалыахтарын сөп.
Оҕо күүтэр дьахталлары борогуул, үлэ дьиссипилиинэтин кэһии уо.д.а. иһин үлэттэн ууратар көҥүллэммэт. Үлэ дуогабара дьахтар хат сылдьар кэмигэр болдьоҕо ааһар буоллаҕына, үлэни биэрээччи кини оҕолонуор диэри уһатан биэрэр эбээһинэстээх.
Төрөппүттэри
– Үһүгэр диэри саастаах оҕолоох ийэни.
– Соҕотох ийэни (оҕо аҕатын, атын да бэрэстэбиитэли) оҕото 14 сааһын, инбэлиит оҕото 18 сааһын туолуор диэри.
– Аҕаны (ийэни, атын да бэрэстэбиитэли) инбэлиит оҕото 18 сааһын туолуор, оттон элбэх оҕолоох дьиэ кэргэҥҥэ – оҕо 3 сааһыгар диэри.
Бу төрөппүттэри тэрилтэлэрэ суох оҥоһулуннаҕына эбэтэр бэйэлэрин буруйдарынан (борогуул, үлэлиир сиргэ арыгылааһын, уоруу уо.д.а.) үлэни биэрээччи ууратар бырааптаах.
Быыбар хамыыһыйатын чилиэннэрин
– Боломуочуйалара бүтүөр диэри.
- Быыбардыыр хампаанньа кэмигэр.
Комментарии
Авторизация на сайте через социальные сети