- Лааҕырга оҕо доруобуйатын туругун тупсарынарыгар, эмтэнэригэр усулуобуйа барыта баар. Сүүрбэ биир күн устата тиис бырааһа барыларын көрөр-истэр итиэннэ медүлэһиттэр массаж араас көрүҥүн киллэрэн эмтииллэр. Сарсыардаттан чэбдигирдэр физкультураны, элбэх хамсаныылаах оонньуулары спортинструктор тэрийэн ыытар.
- Билигин лааҕыр 2-с сезонугар республика 13 улууһуттан сүүс оҕо кэлэн сынньана сылдьар. Күн устата ырыа, үҥкүү, уруһуй онтон да атын куруһуоктарга сылдьан оҕолор элбэх саҥаны билэн- көрөн бараллар.
- „Кытыллар“ ыраах улуустартан кэлбиттэргэ Кыыс Амма кэрэ айылҕатын билиһиннэрэн сардааналаах кытыллары, дьэдьэннээх чараҥнары көрдөрбүттэр. Оҕолор дьэдьэн хайдах үүнэрин көрөн, илиилэринэн тутан-хабан үүргээн олус астыммыттар.
- Киин лааҕыр үлэтин таһынан инбэлиит оҕолорго болҕомто ууран үлэлиир. Бу туһунан дириэктэр Ольга Николаева маннык кэпсиир:
- "Биһиги сылга 300 инбэлиит улахан дьону, 120 доруобуйаларынан хааччахтаах оҕону эмтииргэ былаан ылыммыппыт. Билигин ыраах улуустартан - Аллайыахаттан, Бүлүүттэн тиийэ 21 оҕо, 9 төрөппүт кэлэн эмтэнэ сылдьаллар. Онтон лааҕырбыт туһунан этэр буоллахха, нэһилиэкпит дьаһалтата өйөөн саҥа тутуу ыытарбытыгар 7 га сир биэрдэ. Онон санаабыт көтөҕүллэн, салгыы оҕо сынньалаҥын тэрийэрбитигэр, кэҥэттэрбитигэр кыах баар буолла".
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети